മാധ്യമ പ്രവര്‍ത്തകരെ ഞെട്ടിച്ചുകൊണ്ട് പ്രതികരണങ്ങള്‍ നടത്തുന്നത് മെഗാസ്റ്റാര്‍ മമ്മുട്ടിയുടെ ഹോബിയാണ്. തനിക്ക് രണ്ട് ഭാര്യമാരുണ്ടെന്ന പ്രസ്താവനയുമായി മമ്മൂട്ടി ഇത്തവണ രംഗത്ത് വന്നത്. 'നന്‍പകല്‍ നേരത്ത് മയക്കം' സിനിമയുടെ പ്രമോഷനുമായി ബന്ധപ്പെട്ട് നടന്ന പ്രസ് മീറ്റിലാണ് മമ്മൂട്ടി മാധ്യമ പ്രവര്‍ത്തകരെ ഞെട്ടിച്ചത്. തനിക്ക് രണ്ട് ഭാര്യമാരുണ്ടെന്നും ആരും കേസൊന്നും കൊടുക്കാന്‍ പോകരുതെന്നുമാണ് അദ്ദേഹം പറഞ്ഞത്.
''ഈ പടത്തില്‍ എനിക്ക് രണ്ട് നായികമാരാണ്. രണ്ടു പേരും എന്റെ ഭാര്യമാരായിട്ടാണ് അഭിനയിക്കുന്നത്. ആരും കേസൊന്നും കൊടുക്കാന്‍ പോവരുത്. സിനിമയിലാണ്. ഒന്ന് തമിഴ് ഭാര്യ, ഒന്ന് മലയാളം ഭാര്യ'' എന്നാണ് തമാശയോടെ മമ്മൂട്ടി പറയുന്നത്.
പിന്നാലെ സിനിമയിലെ നായികമാരെ കുറിച്ചും ഷൂട്ടിംഗിനിടയില്‍ ഉണ്ടായ രസകരമായ അനുഭവങ്ങളും താരം പങ്കുവെച്ചു. ഒരു നായിക ഭയങ്കര ഡാന്‍സറാണ്. ഷൂട്ടിംഗ് സമയത്ത് പനിയൊക്കെ വരും. സത്യത്തില്‍ പേടിച്ച് പനിക്കുന്നതാണ്. അവിടുത്തെ കാലവസ്ഥ വളരെ മോശമായിരുന്നു.
കൂടുതല് വായിക്കുക
ഈ വിഭാഗത്തിൽ പോസ്റ്റ് ചെയ്ത അനുബന്ധ ലേഖനങ്ങൾ അടങ്ങിയിരിക്കുന്നു (Related Nodes field)
ചൂട് കൂടുതലായിരുന്നു. പനി എപ്പോള്‍ വരുമെന്നോര്‍ത്ത് ഭയന്നാണ് തങ്ങള്‍ ഷൂട്ടിംഗ് മുന്നോട്ട് കൊണ്ട് പോയി കൊണ്ടിരുന്നത്. അഭിനയിച്ച് വന്നാല്‍ പിന്നെ കുറച്ച് നേരത്തേക്ക് തളര്‍ന്ന് ക്ഷീണിച്ചൊക്കെ ഇരിക്കും. അഭിനയം വല്ലാത്തൊരു അധ്വാനമാണെന്ന് തനിക്കപ്പോഴാണ് മനസിലായത് എന്നും മമ്മൂട്ടി പറഞ്ഞു.
ജനുവരി 19ന് ആണ് നന്‍പകല്‍ നേരത്ത് മയക്കം റിലീസ് ചെയ്യുന്നത്. ലിജോ ജോസ് പെല്ലിശേരി-മമ്മൂട്ടി കോംമ്പോയില്‍ എത്തിയ ചിത്രം ഐഎഫ്എഫ്കെയില്‍ ഗംഭീര പ്രതികരണം നേടിയിരുന്നു. തന്നെ ഏറെ പ്രതീക്ഷയോടെയാണ് സിനിമയ്ക്കായി ആരാധകര്‍ കാത്തിരിക്കുന്നത്.
