ന്യൂദല്‍ഹി-മന്ത്രിമാര്‍ യജമാനനോടുള്ള വിശ്വസ്തത തെളിയിക്കാനും യജമാന്റെ ശബ്ദമാകാനുമാണ് ശ്രമിക്കുന്നതെന്നും സത്യപ്രതിജ്ഞ ചെയ്ത കാര്യം മറുക്കുകയാണെന്നും വിദേശമന്ത്രി എസ്.ജയശങ്കറിനെ രൂക്ഷമായി വിമര്‍ശിച്ച് കോണ്‍ഗ്രസ്.
സുഡാനില്‍ കുടുങ്ങിക്കിടക്കുന്ന ഇന്ത്യക്കാരുടെ പ്രശ്‌നത്തെ കര്‍ണാടക മുന്‍ മുഖ്യമന്ത്രി സിദ്ധരാമയ്യ രാഷ്ട്രീയവല്‍ക്കരിക്കുകയാണെന്ന ജയശങ്കറിന്റെ ആരോപണത്തിനാണ് കോണ്‍ഗ്രസിന്റെ മറുപടി. സഹായത്തിനായുള്ള യഥാര്‍ത്ഥ അഭ്യര്‍ത്ഥനക്ക് മന്ത്രിയുടെ പ്രതികരണം ഭയങ്കരമായിപ്പോയെന്ന് കോണ്‍ഗ്രസ് കുറ്റപ്പെടുത്തി.
കര്‍ണാടകയില്‍ നിന്നുള്ള ഹക്കി പിക്കി ഗോത്രത്തില്‍പ്പെട്ട 31 പേര്‍ ആഭ്യന്തരയുദ്ധം മൂലം ബുദ്ധിമുട്ടുന്ന സുഡാനില്‍ കുടുങ്ങിക്കിടക്കുന്നതായി റിപ്പോര്‍ട്ടുണ്ടെന്ന് സിരാമയ്യ ട്വീറ്റുകളുടെ പരമ്പര പോസ്റ്റ് ചെയ്തിരുന്നു. ഇവരെ തിരികെ കൊണ്ടുവരാന്‍ സര്‍ക്കാര്‍ ഇതുവരെ നടപടി ആരംഭിച്ചിട്ടില്ലെന്ന് കുറ്റപ്പെടുത്തുകയും ചെയ്തു.
അതേസമയം, പൗരന്മാരുടെ സുരക്ഷ ഉറപ്പാക്കാനും നാട്ടിലെത്തിക്കാനും വിവിധ രാജ്യങ്ങളുമായി ഏകോപനം നടത്തിവരികയാണെന്ന് സര്‍ക്കാര്‍ വൃത്തങ്ങള്‍ ബുധനാഴ്ച പറഞ്ഞു
ഇന്ത്യക്കാരുടെ സുരക്ഷിതമായ തിരിച്ചുവരവ് ഉറപ്പാക്കണമെന്ന് പ്രധാനമന്ത്രിയുടെ ഓഫീസ്, കേന്ദ്ര ആഭ്യന്തര മന്ത്രിയുടെ ഓഫീസ്, വിദേശകാര്യ മന്ത്രാലയം എന്നിവരോടാണ് മുന്‍ കര്‍ണാടക മുഖ്യമന്ത്രി അഭ്യര്‍ത്ഥിച്ചിരുന്നത്. സുഡാനിലെ 'ഹക്കി പിക്കികള്‍' കഴിഞ്ഞ കുറച്ച് ദിവസങ്ങളായി ഭക്ഷണമില്ലാതെ വലയുകയാണെന്നും സിദ്ധരാമയ്യ പറഞ്ഞു.
ബിജെപി സര്‍ക്കാര്‍ നയതന്ത്ര ചര്‍ച്ചകള്‍ ആരംഭിക്കണമെന്നും ഹക്കി പിക്കികളുടെ ക്ഷേമം ഉറപ്പാക്കാന്‍ അന്താരാഷ്ട്ര ഏജന്‍സികളുമായി ബന്ധപ്പെടണമെന്നും അദ്ദേഹം പറഞ്ഞു. ജീവനുകള്‍ ഭീഷണിയിലായിരിക്കെ രാഷ്ട്രീയം ചര്‍ച്ച ചെയ്യരുതെന്നും രാഷ്ട്രീയവല്‍ക്കരിക്കരുതെന്നുമാണ് വിദേശമന്ത്രി എസ്.ജയശങ്കര്‍ മറുപടി നല്‍കിയത്.
ഏപ്രില്‍ 14 ന് പോരാട്ടം ആരംഭിച്ചത് മുതല്‍ ഖാര്‍ത്തൂമിലെ ഇന്ത്യന്‍ എംബസി സുഡാനിലെ മിക്ക ഇന്ത്യന്‍ പൗരന്മാരുമായും പിഐഒമാരുമായും നിരന്തരം ബന്ധപ്പെട്ടിരുന്നുവെന്ന് ജയശങ്കര്‍ ട്വീറ്റ് ചെയ്തു. സുരക്ഷാ കാരണങ്ങളാല്‍ അവരുടെ വിശദാംശങ്ങളും ലൊക്കേഷനുകളും പരസ്യമാക്കാന്‍ കഴിയില്ലെന്നും ശക്തമായ പോരാട്ടം അവരുടെ സഞ്ചാരം പരിമിതപ്പെട്ടിരിക്കയാണെന്നും അദ്ദേഹം കൂട്ടിച്ചേര്‍ത്തു.
നിങ്ങള്‍ വിദേശകാര്യമന്ത്രി ആയതിനാല്‍ ഞാന്‍ നിങ്ങളോട് സഹായത്തിനായി അഭ്യര്‍ത്ഥിച്ചു. നിങ്ങള്‍ പരിഭ്രാന്തരാകുന്ന തിരക്കിലാണെങ്കില്‍ ആളുകളെ തിരികെ കൊണ്ടുവരാന്‍ സഹായിക്കാന്‍ കഴിയുന്ന ആളുകളെ ചൂണ്ടിക്കാണിക്കുക- സിദ്ധരാമയ്യ ട്വീറ്റ് ചെയ്തു.
ഞങ്ങളുടെ നേതാവ് സിദ്ധരാമയ്യ മന്ത്രിക്ക് ഉചിതമായ മറുപടി നല്‍കിയിരിക്കുന്നതെന്ന് കോണ്‍ഗ്രസ് നേതാക്കള്‍ പറഞ്ഞു.
കൂടുതല് വായിക്കുക
ഈ വിഭാഗത്തിൽ പോസ്റ്റ് ചെയ്ത അനുബന്ധ ലേഖനങ്ങൾ അടങ്ങിയിരിക്കുന്നു (Related Nodes field)
