ലണ്ടന്‍- സിറിയന്‍ പ്രസിഡന്റ് പ്രസിഡന്റ് ബശാര്‍ അസദിന്റെ രണ്ട് ബന്ധുക്കള്‍ക്കെതിരെ അമേരിക്കയും ബ്രിട്ടനും അടുത്തിടെ ഏര്‍പ്പെടുത്തിയ ഉപരോധം സിറിയന്‍ ഭരണകൂടത്തിന് പണം കണ്ടെത്താന്‍ മയക്കുമരുന്നായ ക്യാപ്റ്റഗണ്‍ നിര്‍മ്മിക്കുന്നതിലും കടത്തുന്നതിലുമുള്ള ഇവരുടെ പങ്കാണ് വെളിപ്പെടുത്തുന്നതെന്ന് വിദഗ്ധര്‍. സിറിയന്‍ സര്‍ക്കാരിനുവേണ്ടിയുള്ള 57 ബില്യണ്‍ ഡോളര്‍ വിലമതിക്കുന്ന മയക്കുമരുന്ന് നിര്‍മാണവും വിതരണവും അന്താരാഷ്ട്രതലത്തിലുള്ള ആശങ്കക്ക് കാരണമാണ്.
മിഡില്‍ ഈസ്റ്റില്‍ ഉടനീളം ഉപയോഗിക്കുന്ന വളരെ ആസക്തിയുള്ള ആംഫെറ്റാമൈനാണ് ക്യാപ്റ്റഗണ്‍. ഇതിന്റെ ലോകത്തിലെ വിതരണത്തിന്റെ 80 ശതമാനവും സിറിയയിലാണ് ഉല്‍പാദിപ്പിക്കുന്നത്. കോടിക്കണക്കിന് ഡോളറിന്റെ കയറ്റുമതി പതിവായി നടക്കുന്നത് ലതാകിയ തുറമുഖം പോലുള്ള ഭരണത്തിന്റെ ശക്തികേന്ദ്രങ്ങള്‍ വഴിയാണ്.
സിറിയന്‍ ഭരണകൂടം തുടരുന്ന അടിച്ചമര്‍ത്തലിനുവേണ്ടിയാണ് അനധികൃത മയക്കുമരുന്ന് വ്യാപാരത്തെ ആശ്രയിക്കുന്നതെന്ന് യു.എസ് സ്‌റ്റേറ്റ് ഡിപ്പാര്‍ട്ട്‌മെന്റ് ഡെപ്യൂട്ടി വക്താവ് വേദാന്ത് പട്ടേല്‍ പറഞ്ഞു.
അസാദ് ഭരണകൂടവും ഹിസ്ബുല്ലയും അവരുടെ അനുബന്ധ സംഘടനകളും നടത്തുന്ന ക്യാപ്റ്റഗണ്‍ കടത്ത് മേഖലയിലെ സ്ഥിരതയ്ക്കും പൊതുജനാരോഗ്യത്തിനും നിയമവാഴ്ചയ്ക്കും കാര്യമായ ഭീഷണി ഉയര്‍ത്തുന്നുവെന്നും അദ്ദേഹം പറഞ്ഞു.
കൂടുതല് വായിക്കുക
ഈ വിഭാഗത്തിൽ പോസ്റ്റ് ചെയ്ത അനുബന്ധ ലേഖനങ്ങൾ അടങ്ങിയിരിക്കുന്നു (Related Nodes field)
