വേനല്ക്കാലമാണ് മാങ്ങയുടെ സീസണ്. പല നിറത്തിലും വ്യത്യസ്തമായ രുചികളിലും മാങ്ങ ലഭ്യമാണ്. അതുകൊണ്ടുതന്നെ മാങ്ങ ് ഇഷ്ടമല്ലാത്തവര് ഉണ്ടാകില്ല. മധുരത്തിന്റെ കാര്യത്തിലും ഇത് കേമന് തന്നെയാണ്. ഇവയിലൊന്നും മാങ്ങയുടെ സവിശേഷതകള് ഒതുങ്ങുന്നില്ല. വണ്ണം കുറയ്ക്കാന് ശ്രമിക്കുന്നവരെയും മാങ്ങ സഹായിക്കും.
ഫാറ്റ്, വൈറ്റമിനുകളായ ബി6, എ, സി, അയേണ്!, മഗ്നീഷ്യം, ഫൈബര്!, ആന്റി ഓക്സിഡന്റുകള് എന്നിവ മാങ്ങയില് ധാരാളം അടങ്ങിയിട്ടുണ്ട്. ഗ്ലൈസെമിക് ഇന്ഡക്സ് 55ല് കുറഞ്ഞാല് പോഷകം കുറഞ്ഞ ആഹാരമെന്നും 70ല് കൂടിയാല് പോഷകം ധാരാളമുള്ള ആഹാരം എന്നും പൊതുവെ പറയാറുണ്ട്. എന്നാല് മാങ്ങയില് ഗ്ലൈസെമിക് ഇന്ഡക്സ് 41നും 60നും ഇടയിലാണ്. കണക്കുവച്ച് നോക്കിയാല് മാങ്ങയില് ഇതിന്റെ അളവ് ശരിയായ അളവിലാണ്. അതുകൊണ്ടുതന്നെ പ്രമേഹമുള്ളവരും മാങ്ങ കഴിക്കുന്നതില് ഭയപ്പെടേണ്ടതില്ല. പക്ഷേ അമിതമായി കഴിക്കുന്നത് ഒഴിവാക്കേണ്ടതുണ്ട്.എന്നാല് ആഹാരത്തിന് ശേഷം മാങ്ങ കഴിക്കുന്നത് ആരോഗ്യത്തിന് ഒട്ടും നല്ലതല്ലാത്ത ശീലമാണ്. അത് ഭാരം വര്ദ്ധിക്കാന് കാരണമാകും. സ്നാക്സിന് പകരം മാങ്ങ കഴിക്കുന്നത് എന്തുകൊണ്ടും നല്ലതാണ്. അതുവഴിയും വണ്ണം കുറയ്ക്കാനാനും. കാര്ബോഹൈഡ്രേറ്റും വൈറ്റമിനുകളും മാങ്ങയില് ഉള്ളതിനാല് വര്ക്ക് ഔട്ട് ചെയ്യുന്നതിന് തൊട്ടുമുമ്പ് മാങ്ങ കഴിക്കുന്നത് എനര്ജി ലെവല് കൂട്ടാന് സഹായിക്കും
