മുംബൈ- ശാകുന്തളം സിനിമയിലെ നടി സാമന്ത റൂത്ത് പ്രഭു ഒരാഴ്ചയോളം ധരിച്ചത് 30 കിലോ വരുന്ന സാരി. ഏറെ പ്രതീക്ഷയോടെ കാത്തിരിക്കുന്ന ശാകുന്തളത്തിന്റെ റിലീസിന് തയ്യാറെടുക്കുകയാണ് നടി സാമന്ത പുരാണ റൊമാന്റിക് നാടകത്തില്‍ സാമന്ത ശകുന്തളയുടെ വേഷമാണ് അവതരിപ്പിക്കുന്നത്.
സാമന്തയുടെ ആഭരണങ്ങള്‍ക്കായി ശകുന്തളത്തിന്റെ നിര്‍മാതാക്കള്‍ മൂന്ന് കോടി രൂപ ചെലവഴിച്ചുവെന്ന് മാധ്യമ റിപ്പോര്‍ട്ടുകളില്‍ പറയുന്നു.
30 കിലോഗ്രാം സാരി ധരിച്ചാണ് സാമന്ത തന്റെ വേഷം ചിത്രീകരിച്ചത്. അതും ഒരാഴ്ചയോളം ഷൂട്ടിംഗിനായി അവര്‍ ഭാരമുള്ള സാരി ധരിച്ചു.
ഇതിഹാസ പ്രണയകഥയെ ചുറ്റിപ്പറ്റിയാണ് ശാകുന്തളം. യഥാക്രമം സാമന്തയും ദേവ് മോഹനും ശകുന്തളയുടെയും ദുഷ്യന്തന്റേയും ഭാഗം അഭിനയിക്കുന്നു.
കാളിദാസന്റെ സംസ്‌കൃത നാടകമായ അഭിജ്ഞാന ശാകുന്തളത്തെ അടിസ്ഥാനമാക്കി അവാര്‍ഡ് ജേതാവായ ചലച്ചിത്ര നിര്‍മ്മാതാവ് ഗുണശേഖര്‍ (രുദ്രമാദേവി) രചനയും സംവിധാനവും നിര്‍വ്വഹിച്ച ചിത്രം ഫെബ്രുവരി 17ന് തിയേറ്ററുകളില്‍ എത്തും.
ഹിന്ദി, തമിഴ്, മലയാളം, കന്നഡ ഭാഷകളില്‍ ഇത് പുറത്തിറങ്ങും.
പ്രേക്ഷകരില്‍ നിന്ന് നല്ല പ്രതികരണങ്ങള്‍ നേടിയ സയന്‍സ് ഫിക്ഷന്‍ ത്രില്ലര്‍ ചിത്രമായ 'യശോദ'യില്‍ അടുത്തിടെ സാമന്ത അഭിനയിച്ചിരുന്നു.
നടന്‍ വിജയ് ദേവരകൊണ്ടയ്‌ക്കൊപ്പം വരാനിരിക്കുന്ന റൊമാന്റിക് ചിത്രമായ 'ഖുസി'യിലും വരുണ്‍ ധവാനൊപ്പം അമേരിക്കന്‍ പരമ്പരയായ 'സിറ്റാഡല്‍' എന്നതിന്റെ ഇന്ത്യന്‍ പതിപ്പിലും അവര്‍ അടുത്തതായി അഭിനയിക്കും.
കൂടുതല് വായിക്കുക
ഈ വിഭാഗത്തിൽ പോസ്റ്റ് ചെയ്ത അനുബന്ധ ലേഖനങ്ങൾ അടങ്ങിയിരിക്കുന്നു (Related Nodes field)
