മുംബൈ-അമ്മയാകാനുള്ള ഒരുക്കത്തിലാണ് ബോളിവുഡ് നടി ആലിയഭട്ട്. ഗര്‍ഭകാലത്ത് സ്ത്രീകള്‍ക്ക് ധരിക്കാനുള്ള മറ്റേണിറ്റി ബ്രാന്‍ഡ് ഈയിടെയാണ് താരം ആരംഭിച്ചത്. ഗര്‍ഭകാലത്തും സ്‌റ്റൈലിഷായി പ്രത്യക്ഷപ്പെടാറുള്ള താരത്തിന്റെ പുതിയ ചിത്രങ്ങളാണ് വൈറലായത്.
ശരീരത്തോട് അലസമായി ചേര്‍ന്ന് നില്‍ക്കുന്ന ഗോള്‍ഡന്‍ ഗൗണിലുള്ള ആലിയയുടെ ചിത്രമാണ് ഫാഷന്‍ ലോകത്ത് ഇപ്പോള്‍ തരംഗമാകുന്നത്. ടൈം മാഗസിന്റെ 100 ഇംപാക്ട് പുരസ്‌കാരം സ്വീകരിക്കാനെത്തിയപ്പോഴാണ് ആലിയ ഈ ഗൗണ്‍ ധരിച്ചത്. 1.89.000 രൂപയാണ് ഈ വസ്ത്രത്തിന്റെ വില. ഈ വസ്ത്രം ധരിച്ചുകൊണ്ടുള്ള ആലിയയുടെ ചിത്രം താരം തന്നെ പങ്കുവെച്ചിട്ടുണ്ട്.
ബോളിവുഡ് താരദമ്പതികളായ ആലിയ ഭട്ടും രണ്‍ബീര്‍ കപൂറും ഒരു കുഞ്ഞിനായുള്ള കാത്തിരിപ്പിലാണ്. ഗര്‍ഭകാലത്ത് പരമാവധി ആലിയയ്‌ക്കൊപ്പം ആയിരിക്കാനാണ് രണ്‍ബീര്‍ ശ്രമിക്കുന്നത്. ഇതിനായി സിനിമ തിരക്കുകളില്‍ നിന്നെല്ലാം താരം വിട്ടുനില്‍ക്കുകയാണ്.
കുഞ്ഞുവാവ എന്ന് വരുമെന്നാണ് ആരാധകരുടെ ചോദ്യം. താരദമ്പതികളെ പോലെ തന്നെ ആരാധകരും കുഞ്ഞിന് വേണ്ടിയുള്ള കാത്തിരിപ്പിലാണ്.ജൂണിലാണ് അമ്മയാകാന്‍ പോകുന്ന സന്തോഷ വാര്‍ത്ത ആലിയ ആരാധകരോട് പങ്കുവെച്ചത്. സ്‌കാനിംഗ് ദൃശ്യങ്ങള്‍ പങ്കുവെച്ചായിരുന്നു ആലിയ ഇക്കാര്യം എല്ലാവരെയും അറിയിച്ചത്.
