ദിവസവും അരമണിക്കൂർ എന്ന കണക്കിൽ ആഴ്ചയിൽ അഞ്ചു ദിവസമെങ്കിലും നടക്കുന്നത് ആരോഗ്യത്തിന് ഗുണകരമാവും.
നിത്യവും കുറച്ചു സമയം നടക്കുന്നത് ആരോഗ്യത്തിന് നല്ലതാണെന്ന കാര്യത്തിൽ ആർക്കും എതിരഭിപ്രായമുണ്ടാകില്ല. എന്നാൽ എങ്ങനെ നടക്കുന്നു എന്നതാണ് പ്രാധാന്യം. സാധാരണ നടക്കുന്നതിനേക്കാൾ വേഗത്തിൽ നടക്കുന്നതിലൂടെ ആയുസ്സു കൂടുമെന്നാണ് യൂറോപ്യൻ ഹാർട്ട് ജേണലിൽ പ്രസിദ്ധീകരിച്ച പഠനത്തിൽ പറയുന്നത്.
ഹൃദയാഘാത സാധ്യത കുറയ്ക്കുന്നതിനായി ഹൃദ്രോഗികൾ പതിവായി നടക്കണമെന്നും വിദഗ്ധർ അഭിപ്രായപ്പെടുന്നു. പ്രമേഹം, തൈറോയ്ഡ്, ശരീരത്തിന്റെ മറ്റ് അവസ്ഥകൾ തുടങ്ങിയ ഘടകങ്ങളും ഹൃദയാരോഗ്യത്തെ ആശ്രയിച്ചാണ് ഇരിക്കുന്നതെന്നും പഠനങ്ങൾ വ്യക്തമാക്കുന്നു.
ഹൃദയാഘാത സാധ്യത അമ്പത് ശതമാനത്തോളം കുറയ്ക്കാനും നടത്തത്തിലൂടെ കഴിയുമെന്നും ഇവർ വ്യക്തമാക്കി. ചടുല നടത്തം ശീലമാക്കുന്നത് എല്ലാ പേശികളെയും ഉണർവുള്ളതാക്കുകയും ശരീരത്തിനു മുഴുവൻ വ്യായാമം ചെയ്യുന്ന ഫലം കിട്ടുകയും ചെയ്യും.
രക്തസമ്മർദ്ദം, കോളസ്‌ട്രോൾ, രക്തത്തിലെ പഞ്ചസാരയുടെ ഉയർന്ന അളവ് എന്നിവ കുറയ്ക്കാനും ഇതിലൂടെ കഴിയും.
