കൂത്താട്ടുകുളം- ഒരു മുറൈ വന്ത് പാർത്തായാ, കട്ടപ്പനയിലെ ഹൃത്വിക് റോഷൻ എന്നീ ചിത്രങ്ങളിലൂടെ ശ്രദ്ധേയയായ നടിയാണ് പ്രയാഗ മാർട്ടിൻ. തമിഴ് ആന്തോളജി ചിത്രമായ നവരസയാണ് പ്രയാഗയുടേതായി അവസാനം പുറത്തിറങ്ങിയത്. പ്രയാഗയുടെ പുതിയ ഇൻസ്റ്റഗ്രാം പോസ്റ്റും അതിനോടൊപ്പം നൽകിയ ക്യാപ്ഷനുമാണ് ഇപ്പോൾ സമൂഹ മാധ്യമങ്ങളിൽ ചർച്ചയാവുന്നത്. വളരെ സ്പെഷ്യലായ എന്തോ ഒന്ന് വരുന്നുണ്ടെന്നാണ് താരം പറയുന്നത്. നിങ്ങളെപ്പോഴെങ്കിലും തിരമാലകളിൽ പെട്ടിട്ടുണ്ടോ? തിരകളിൽ പെട്ട് വളഞ്ഞു പുളഞ്ഞിട്ടുണ്ടോ? നിങ്ങളിപ്പോൾ എന്റെ മുഖത്ത് പുഞ്ചിരി കാണുന്നില്ലേ, ഒരുപാട് പേടിച്ച ശേഷമാണ് ഞാനിങ്ങനെ ചിരിക്കുന്നത്. ഇതാണ് ആ നിമിഷം. വളരെ പ്രിയപ്പെട്ട ഒരു കാര്യം അടുത്തു തന്നെ സംഭവിക്കാനുണ്ട്. അത് ഉടനെ സംഭവിക്കും,' എന്നാണ് പ്രയാഗ ഫോട്ടോയ്ക്ക് ക്യാപ്ഷൻ നൽകിയിരിക്കുന്നത്ബാലതാരമായാണ് പ്രയാഗ വെള്ളിത്തിരയിലെത്തുന്നത്. മിഷ്‌കിൻ സംവിധാനം ചെയ്ത 'പിസാസി'ലൂടെയാണ് താരം ശ്രദ്ധേയയാവുന്നത്. ഈയടുത്താണ് താരം കന്നടയിലും അരങ്ങേറ്റം നടത്തിയത്.
