2019ല്‍ വരാനിരിക്കുന്ന തിരിഞ്ഞെടുപ്പിലൂടെ വീണ്ടും ഭരണത്തിലെത്തുക എന്ന ലക്ഷ്യം മുന്നില്‍ കണ്ട് ബി ജെ പി തന്ത്രങ്ങള്‍ആവിഷ്‌കരിക്കയാണ്. ഇതിന്റെ ഭാഗമായി ഒരിക്കല്‍ കോണ്‍ഗ്രസില്‍ നിന്നും പിടിച്ചെടുത്ത പുനെ മണ്ഡലം ഭദ്രമാക്കാന്‍ ബോളിവുഡ് താരം മാധുരി ദീക്ഷിതിനെ രംഗത്തിറക്കാനുള്ള തയ്യാറെടുപ്പിലാണ് ബി ജെ പി.
ബി ജെ പി ദേശീയ അധ്യക്ഷന്‍ അമിത് മാധുരീ ദീക്ഷിതിന്റെ മുംബൈയിലെ വസതിയിലെത്തി കൂടിക്കാഴ്ച നടത്തിയിരുന്നു. സ്ഥാനാര്‍ത്ഥിത്വം സംബന്ധിച്ച കാര്യങ്ങള്‍ ഈ കൂടിക്കാഴ്ചയില്‍ ചര്‍ച്ചയായി എന്നാണ് റിപ്പോര്‍ട്ടുകള്‍. പൂനെ ലോക്‌സഭാ സീറ്റിലേക്ക് പരിഗണിക്കുന്നവരുടെ ലിസ്റ്റില്‍ മാധുരി ദീക്ഷിത്തിന്റെ പേരും ഉള്‍പ്പെടുന്നതായി സംസ്ഥാനത്തെ മുതിര്‍ന്ന ബി ജെ പി നേതാവ് വെളിപ്പെടുത്തുകയും ചെയ്തു.
2014ലെ ലോക്‌സഭ ഇലക്ഷനില്‍ കോണ്‍ഗ്രസ് സ്ഥാനാര്‍ത്ഥിയെ മൂന്ന് ലക്ഷത്തിലധികം വോട്ടുകളുടെ ഭൂരിപക്ഷത്തില്‍ അട്ടിമറിച്ചാണ് ബി ജെ പിയുടെ അനില്‍ ഫിറോള്‍ മണ്ഡലം ബി ജെപിയിലെത്തിക്കുന്നത്. എന്നാല്‍ മണ്ഡലം വീങ്ങും കോണ്‍ഗ്രസിലേക്ക് തന്നെ പോകുന്നത് തടയാന്‍ മാധുരി ദീക്ഷിതിനെ സ്ഥാനാര്‍ത്ഥിയാക്കുന്നതിലൂടെ സാധിക്കും എന്നതാണ് ബിജെപിയുടെ കണക്കുകൂട്ടല്‍.
