(ഓമശ്ശേരി) കോഴിക്കോട് - വിദ്യാർത്ഥികൾ സഞ്ചരിച്ച സ്‌കൂട്ടറിൽ പിക്കപ്പ് വാനിടിച്ച് ബസ്സിന് മുന്നിലേക്കു തെറിച്ചുവീണുണ്ടായ അപകടത്തിൽ മെഡിക്കൽ വിദ്യാർത്ഥി മരിച്ചു. കെ.എം.സി.ടി കോളജ് വിദ്യാർത്ഥിനിയും താമരശ്ശേരി ചുങ്കം സ്വദേശി കയ്യേലിക്കുന്നുമ്മൽ മുജീബിന്റെ മകളുമായ ഫാത്തിമ മിൻസിയ(20)യാണ് മരിച്ചത്. കൂടെയുണ്ടായിരുന്ന സഹപാഠി പൂനൂർ സ്വദേശിനി ഫിദ ഫർസാന പരുക്കുകളോടെ ചികിത്സയിലാണ്.
കൂടുതല് വായിക്കുക
ഈ വിഭാഗത്തിൽ പോസ്റ്റ് ചെയ്ത അനുബന്ധ ലേഖനങ്ങൾ അടങ്ങിയിരിക്കുന്നു (Related Nodes field)
കോഴിക്കോട് ജില്ലയിലെ ഓമശ്ശേരിക്കടുത്ത മാനിപുരം അണ്ടോണ പൊയിലങ്ങാടിയിൽ വച്ചാണ് അപകടമുണ്ടായത്. ഇന്നലെ രാവിലെ കോളജിലേക്ക് വരുമ്പോഴാണ് അപകടമുണ്ടായത്. ഉടനെ ഓമശ്ശേരിയിലെ സ്വകാര്യ ആശുപത്രിയിലും ശേഷം കോഴിക്കോട്ടെ സ്വകാര്യ ആശുപത്രിയിലും പ്രവേശിപ്പിച്ചെങ്കിലും ഇന്ന് പുലർച്ചയോടെ മരണപ്പെടുകയായിരുന്നു.
. എതിർ ദിശയിലെത്തിയ പിക്കപ്പ് വാനിടിച്ച് വിദ്യാർത്ഥികൾ സഞ്ചരിച്ച സ്‌കൂട്ടർ സ്വകാര്യ ബസിന് മുന്നിലേക്ക് വീണ് ഗുരുതര പരുക്കേൽക്കുകയായിരുന്നു. താമരശ്ശേരിയിലേക്ക് വരികയായിരുന്ന ബസിന് മുന്നിലേക്കാണ് സ്‌കൂട്ടർ വീണത്. സ്‌കൂട്ടറുമായി അൽപദൂരം മുന്നോട്ടുപോയാണ് ബസ് നിന്നത്. അപകടം വരുത്തിയ പിക്കപ്പ് വാൻ നിർത്താതെ പോയതായും നാട്ടുകാർ പ്രതികരിച്ചു. മൃതദേഹം പോസ്റ്റ്‌മോർട്ടത്തിന് ശേഷം ബന്ധുക്കൾക്ക് കൈമാറുമെന്ന് പോലീസ് പറഞ്ഞു.
