തലച്ചോറിന്റെ പ്രവർത്തനങ്ങളെ തടസ്സപ്പെടുത്തുകയും മനുഷ്യന്റെ വൈജ്ഞാനിക പ്രവർത്തനങ്ങളെ പ്രതികൂലമായി ബാധിക്കുകയും ചെയ്യുന്ന 3 തരം ഭക്ഷണങ്ങൾ ഏതൊക്കെയാണെന്ന് വ്യക്തമാക്കുകയാണ് പോഷകാഹാര വിദഗ്ധനും രാജ്യാന്തര പ്രശസ്തിയുള്ള റഷ്യൻ ഡോക്ടറുമായ യെലേന ടിഖോമിറോവ.
പ്രോസസ് ചെയ്ത സസ്യ എണ്ണകൾ അല്ലെങ്കിൽ ഹൈഡ്രജൻ കൊഴുപ്പുകൾ കഴിക്കുന്നത് തലച്ചോറിന്റെ പ്രവർത്തനങ്ങളെ പ്രതികൂലമായി ബാധിക്കും. ഇത്തരം ഭക്ഷണങ്ങൾ വലിയ അളവിൽ കഴിക്കുന്നത് ശരീരത്തിന് പ്രോസസ്സ് ചെയ്യാൻ കഴിയില്ല, അതിനാൽ അവ മസ്തിഷ്‌ക കോശങ്ങൾ ഉൾപ്പെടെയുള്ള കോശങ്ങളിൽ സംഭരിക്കപ്പെടും. കോശങ്ങൾ നശിക്കുന്നതിലേക്കും മനുഷ്യരുടെ വൈജ്ഞാനിക പ്രവർത്തനങ്ങൾ പ്രതിസന്ധിയിലാകാനും ഇതു വഴിവെക്കും.
ഫാസ്റ്റ് ഫുഡിന്റെ അമിതമായ ഉപഭോഗം തലച്ചോറിന്റെ പ്രവർത്തനങ്ങളെ തടസ്സപ്പെടുത്തും. കാരണം അതിൽ വലിയ അളവിൽ കൊഴുപ്പ്, കാർബോഹൈഡ്രേറ്റ്, ഉപ്പ്, വിവിധ ഭക്ഷ്യ അഡിറ്റീവുകൾ എന്നിവ അടങ്ങിയിട്ടുണ്ട്. മധുര പാനീയങ്ങൾക്കൊപ്പം ഇത് കഴിക്കുന്നത് അമിതവണ്ണത്തിന് വളരെയധികം കാരണമാകും. തലച്ചോറിന്റെ പ്രവർത്തനം കുറയുന്നതിനും ഇത് കാരണമാകും.
പഞ്ചസാര തലച്ചോറിന് ഹാനികരമാണെന്നും വലിയ അളവിൽ കഴിച്ചാൽ അതിന്റെ പ്രവർത്തനങ്ങളെ തടസ്സപ്പെടുത്തുമെന്നും ഡോക്ടർ വ്യക്തമാക്കി. തലച്ചോറിനെ അതിന്റെ പ്രവർത്തനം നടത്താൻ സഹായിക്കുന്നതിന് അതിന്റെ അളവ് ഇടയ്ക്കിടെ കുറയ്ക്കണം.
