ഹൈദരാബാദ് - പരിശീലന പറക്കിലിനിടെ ഇന്ത്യൻ വ്യോമസേനയുടെ ട്രെയിനർ വിമാനം അപകടത്തിൽ പെട്ട് തെലങ്കാനയിൽ രണ്ട് പൈലറ്റുമാർ മരിച്ചു. പരിശീലകനും കേഡറ്റുമാണ് മരിച്ചതെന്നാണ് വിവരം.
ദുണ്ടിഗലിലുള്ള എയർഫോഴ്‌സ് അക്കാദമിയിൽനിന്ന് 38 കിലോമീറ്റർ അകലെ മേദക് ജില്ലയിലെ തൂപ്രാനിലെ റാവെല്ലി ഗ്രാമത്തിൽ ഇന്ന് രാവിലെ 8.30-ഓടെയാണ് വിമാനം തകർന്നുവീണത്. പിലാറ്റസ് എം.കെ.ഐ.എൽ ട്രെയിനർ വിമാനമാണ് തകർന്നുവീണത്. മറ്റു കൂടുതൽ വിശദാംശങ്ങൾ അറിവായിട്ടില്ല.
