ഹോളിവുഡ് താരം ലിയനാര്‍ഡോ ഡികാപ്രിയോയുടെയും പുതിയ കാമുകി കാമില മൊറോണെയുടെയും ചിത്രങ്ങള്‍ ഏറ്റെടുത്ത് ആരാധകര്‍. അര്‍ജന്റീനക്കാരിയായ ഇരുപത്തിയൊന്നുകാരി കാമില പരസ്യ മോഡലാണ്. ഇതു കൂടാതെ മൂന്ന് ചിത്രങ്ങളിലും ഇവര്‍ വേഷമിട്ടിട്ടുണ്ട്. സിനിമാ തിരക്കുകള്‍ മാറ്റിവച്ച് ഫ്രാന്‍സിലെ കോര്‍ഷികയിലാണ് ഡികാപ്രിയോയും കാമിലയും അവധി ആഘോഷിക്കുന്നത്. ഇരുവരും പ്രണയത്തിലാണെന്ന അഭ്യൂഹങ്ങള്‍ പ്രചരിക്കാന്‍ തുടങ്ങിയിട്ട് കാലമേറെയായി. അവിവാഹിതനായ ഡികാപ്രിയോ എല്ലാ കാലത്തും ഗോസിപ്പ് കോളങ്ങളിലെ താരമാണ്. അമേരിക്കന്‍ മോഡലും നടിയുമായ കെല്ലി റോര്‍ബച്ചായുമായി അകന്നതിന് ശേഷമാണ് കാമിലയുമായി നടന്‍ പ്രണയത്തിലാകുന്നത്.
