ബെയ്‌റൂത്ത്- ഗാസയിൽ ഇപ്പോൾ നടക്കുന്നത് നിർണായക യുദ്ധമാണെന്നും ഇത് മുൻ പോരാട്ടങ്ങളെ പോലെയല്ലെന്നും ഹിസ്ബുല്ല നേതാവ് ഹസന്‍ നസ്റുല്ല. ഗാസ യുദ്ധം തുടങ്ങിയ ശേഷം ഇതാദ്യമായാണ് ഹസൻ നസ്റുല്ല പരസ്യപ്രതികരണവുമായി രംഗത്തുവന്നത്. ഈ യുദ്ധത്തിന്റെ ഉത്തരവാദിത്വം എല്ലാവരും ഏറ്റെടുക്കണം. ഗാസയിലെ യുദ്ധം അവസാനിപ്പിക്കുകയും ഹമാസിനെ വിജയിപ്പിക്കുക എന്നതുമാണ് നസ്‌റുല്ലയുടെ ലക്ഷ്യമെന്നും അദ്ദേഹം പറഞ്ഞു.ഗാസയ്‌ക്കെതിരായ യുദ്ധം അവസാനിപ്പിക്കാൻ അറബ്മുസ്‌ലിം രാജ്യങ്ങൾ ഒരുമിച്ച് പ്രവർത്തിക്കണം. ഗാസാ മുനമ്പിലെ മണലിൽ മുങ്ങുമ്പോൾ ഇസ്രായിൽ ലെബനോണെയും ലെബനീസ് പൗരൻമാരെയും ഭീഷണിപ്പെടുത്തുകയാണ്.ഒരു പ്രാദേശിക യുദ്ധം തടയാൻ ആഗ്രഹിക്കുന്നവർ ഗാസ മുനമ്പിലെ യുദ്ധം വേഗത്തിൽ അവസാനിപ്പിക്കണം. എന്തു തരത്തിലുള്ള സാധ്യതകൾക്കും ഹിസ്ബുല്ല തയ്യാറാണ്. മേഖലയിൽ അമേരിക്ക യുദ്ധക്കപ്പലുകൾ വിന്യസിപ്പിച്ചത് ഹിസ്ബുല്ലയെ ഭയപ്പെടുത്തിയിട്ടില്ല.
തെക്കൻ ഇസ്രായിലിൽ ഹമാസ് അപ്രതീക്ഷിത ആക്രമണം ആരംഭിച്ചതിന്റെ പിറ്റേന്ന് ഈ യുദ്ധത്തിൽ ഹിസ്ബുല്ലയും അണിചേർന്നിട്ടുണ്ട്. ലെബനീസ് അതിർത്തിയിൽ ഇസ്രായാലി സേനയുമായി ദിവസേനയുള്ള വെടിവെപ്പ് ലളിതമായി തോന്നുമെങ്കിലും ഇത് ഏറെ പ്രധാനപ്പെട്ടതാണ്. 1948ന് ഇത്രയേറെ വെടിവെപ്പ് ഈ അതിർത്തിയിൽ നടന്നിട്ടില്ല. ഇതുവരെ 57 ഹിസ്ബുല്ല പോരാളികൾ കൊല്ലപ്പെട്ടതായും നസ്റുല്ല സ്ഥിരീകരിച്ചു.
ഗാസയിൽ മരിച്ചുവീണവരുടെ രക്തസാക്ഷിത്വം വെറുതെയാകില്ലെന്നും അവർക്ക് അല്ലാഹുവിന്റെ അടുത്ത് ഉന്നതമായ സ്ഥാനമുണ്ടെന്നും ഹസൻ നസ്റുല്ല പറഞ്ഞു.ലോകത്തിന്റെ വിവിധ ഭാഗങ്ങളിൽനിന്ന് ഫലസ്തീനിലെ ജനങ്ങൾക്ക് ഐക്യദാർഢ്യം പ്രഖ്യാപിച്ചവരെ സല്യൂട്ട് ചെയ്യുന്നുവെന്ന് പറഞ്ഞാണ് ഹസൻ നസറുല്ല പ്രസംഗം തുടങ്ങിയത്. ഹിസ്ബുല്ലയുടെയും ഇസ്രായാലിനെതിരെ പോരാടുന്ന മറ്റ് ഗ്രൂപ്പുകളുടെയും സിവിലിയൻ രക്തസാക്ഷികൾക്കും അഭിവാദ്യം അർപ്പിക്കുന്നു. രക്തസാക്ഷികളുടെ കുടുംബങ്ങൾക്ക് എന്റെ അഗാധമായ അനുശോചനം രേഖപ്പെടുത്തിക്കൊണ്ട് ഞാൻ ആരംഭിക്കുന്നു. ഒപ്പം നിങ്ങളുടെ പ്രിയപ്പെട്ടവർ രക്തസാക്ഷിത്വത്തിന്റെ ബഹുമതി നേടിയതിനാൽ ഞങ്ങൾ നിങ്ങളെ അഭിനന്ദിക്കുന്നു. ഇത് മാനുഷികവും ധാർമ്മികവും മതപരവുമായ തലങ്ങളിൽ തടസ്സമില്ലാത്ത പോരാട്ടമാണ്. ഇത് ഏറ്റവും വ്യക്തവും സത്യസന്ധവും ശ്രേഷ്ഠവുമാണ്. ഉറച്ച വിശ്വാസം, അചഞ്ചലമായ ബോധ്യം,ഭക്തി, ലക്ഷ്യത്തോടുള്ള പ്രതിബദ്ധത എന്നിവയാണ് നമ്മുടെ യഥാർത്ഥ ശക്തി. ഇസ്രായിലിലേക്ക് ഒക്ടോബർ ഏഴിന് ഹമാസ് നടത്തിയ ആക്രമണം നൂറു ശതമാനവും അവരുടെ തീരുമാനം മാത്രമായിരുന്നു. സമ്പൂർണ്ണമായ ആസൂത്രണമാണ് ആ സമരം വിജയിപ്പിച്ചത്. ഒക്ടോബർ 7ലെ ആക്രമണ പദ്ധതി ഹമാസ് മറച്ചുവെച്ചത് ഞങ്ങളെ വിഷമിപ്പിച്ചിട്ടില്ല. ഈ അടുത്ത കാലത്തായി പലസ്തീനിലെ അവസ്ഥകൾ അങ്ങേയറ്റം കഠിനമാണ്. ഇസ്രായിലിലെ തീവ്രവാദ, വിഡ്ഢി, ക്രൂര ഗവൺമെന്റിന്റെ കീഴിൽ പ്രത്യേകിച്ചും. ഇത് മാനുഷികവും ധാർമ്മികവും മതപരവുമായ തലങ്ങളിൽ തടസ്സവുമില്ലാത്ത പോരാട്ടമാണ്. ഇത് ഏറ്റവും വ്യക്തവും സത്യസന്ധവും ശ്രേഷ്ഠവുമാണ്. അൽ അഖ്‌സ കൊടുങ്കാറ്റ്(ഒക്ടോബർ ഏഴിലെ ഇസ്രായിൽ ആക്രമണത്തിന് ഹമാസ് നൽകിയ പേര്) ഇസ്രായിലിൽ വൻ ഭൂകമ്പമുണ്ടാക്കി. ഇതിന് തന്ത്രപരവും അസ്തിത്വപരവുമായ പ്രത്യാഘാതങ്ങളുണ്ട്, മാത്രമല്ല ഇസ്രായേലിന്റെ വർത്തമാനത്തിലും ഭാവിയിലും അതിന്റെ ഫലങ്ങൾ അവശേഷിപ്പിക്കുകയും ചെയ്യും. ലോകമെമ്പാടുമുള്ള രാജ്യങ്ങൾ അവരുടെ പ്രസിഡന്റുമാരെയും അവരുടെ മന്ത്രിമാരെയും അവരുടെ ജനറൽമാരെയും അവരുടെ ആയുധപ്പുരകളെയും കോടിക്കണക്കിന് ആളുകളെയും ഇസ്രായിലിന്റെ നിയമവിരുദ്ധ പ്രവർത്തനത്തെ പിന്തുണക്കാൻ അയക്കുന്നത് ഞങ്ങൾ കാണുന്നു. അൽഅഖ്‌സ കൊടുങ്കാറ്റ് ആരംഭിക്കാനുള്ള ഹമാസിന്റെ തീരുമാനം ശരിയായതും ബുദ്ധിപരവും ധീരവും ശരിയായ സമയത്ത് വന്നതുമാണ്. ഇസ്രായിലിന്റെ ഏറ്റവും വലിയ തെറ്റുകളിലൊന്ന് അവർക്ക് നേടാനാകാത്ത ലക്ഷ്യങ്ങൾ പ്രഖ്യാപിക്കുകയാണ്.
ചർച്ചകളിലൂടെ ഗാസയിൽ തടവിലാക്കപ്പെട്ടവരെ തിരികെ കൊണ്ടുവരാൻ ഇസ്രായിലിന് കഴിയും. ഗാസയിൽ നടക്കുന്നത് ഇസ്രായിലിന്റെ വിഡ്ഢിത്തവും കഴിവില്ലായ്മയുമാണ് കാണിക്കുന്നത്. കുട്ടികളെയും സ്ത്രീകളെയുമാണ് അവർ കൊന്നൊടുക്കുന്നത്. തീർത്തും ദുർബലമായ രാജ്യമാണ് ഇസ്രായിൽ. ഒരു മാസമായിട്ടും ഒരു സൈനിക നേട്ടം പോലും രേഖപ്പെടുത്താൻ അവർക്ക് സാധിച്ചിട്ടില്ല. ഗാസയിലെ യുദ്ധത്തിന്റെ പൂർണ ഉത്തരവാദിത്തം അമേരിക്കക്കാണ്. ഇസ്രായിലിനെ തങ്ങളുടെ നയം നടപ്പാക്കാനുള്ള ഉപകരണമായി ഉപയോഗിക്കുകയാണ് അമേരിക്ക ചെയ്യുന്നത്.
