കൊച്ചി- സ്നേഹത്തിന്റെ നൂല് കൊണ്ടാണ് ഭാര്യയും ഭര്‍ത്താവും തമ്മിലുള്ള ബന്ധം വേര്‍പിരിയാതെ ചേര്‍ത്ത് വെച്ചിരിക്കുന്നത്. പരസ്പരം പറയുന്ന നല്ല വാക്കുകള്‍ക്ക് പോലും വലിയ വിലയുണ്ട് ഈ കാലത്ത്. തന്റെ പങ്കാളിയില്‍ നിന്ന് അത്തരം നല്ലൊരു വാക്ക് കേള്‍ക്കാന്‍ പലരും കുതിക്കാറുണ്ട്. പേളി തന്റെ ഭര്‍ത്താവായ ശ്രീനിഷിനെ കുറിച്ച് പറഞ്ഞത് ഇതാണ്.
പണ്ടുമുതലേ ആ ചുരുണ്ട മുടിക്കാരിയായ പേളിയെ ശ്രീനിഷിന് വലിയ കാര്യമാണ്. ബിഗ് ബോസില്‍ തുടങ്ങിയ സൗഹൃദം പിന്നെ പ്രണയമായി വളരുകയും വിവാഹത്തില്‍ എത്തുകയും ചെയ്തു. രണ്ടാമതായി കുട്ടിക്കായി കാത്തിരിക്കുമ്പോഴും ഭര്‍ത്താവിന്റെ സൗന്ദര്യത്തെക്കുറിച്ച് പറയാനാണ് പേളിക്ക് ഇഷ്ടം. തന്റെ ഭര്‍ത്താവിനെക്കുറിച്ച് നടി പറയുകയാണ്. തനിക്ക് ഇത്രയും നാള്‍ താങ്ങായും തണലായി നിന്ന് ശ്രീനിഷിനെ രണ്ടു നല്ല വാക്ക് പറയാന്‍ പേളിക്ക് ഒരു മടിയുമില്ല. ഭര്‍ത്താവ് പങ്കുവെച്ച പുതിയ വീഡിയോയിലാണ് പേളി പ്രതികരിച്ചത്. 'എന്റെ ഭര്‍ത്താവായതുകൊണ്ട് പറയുകയല്ല, പക്ഷേ ഒടുക്കത്തെ ലുക്കാടാ നിനക്ക്',-എന്നാണ് പേളി എഴുതിയത്. ഭാര്യയുടെ വാക്കുകള്‍ ശ്രീനിഷിന് നന്നേ ബോധിച്ചു. അത് ഇന്‍സ്റ്റഗ്രാം സ്റ്റോറി മാറ്റാന്‍ ശ്രീനിഷിന് വലിയ സമയം വേണ്ടിവന്നില്ല.
