Read More

'പീഡിപ്പിച്ചില്ല, നടന്നത് ഉഭയസമ്മത പ്രകാരമുള്ള ലൈംഗിക ബന്ധം'; യുവതി മകനുണ്ടെന്ന കാര്യം മറച്ചുവെച്ചെന്നും നടൻ ഷിയാസ് കരീം

മെട്രോയിലിരുന്ന് ഗോപി മഞ്ചൂരി കഴിച്ചതിന് 500 രൂപ പിഴ; പിടി വീണത് യുവാവ് സമൂഹമാധ്യമത്തിലിട്ട ഫോട്ടോ വഴി

ഓട്ടത്തിനിടെ ബസിന്റെ ഡോർ തുറന്ന് വിദ്യാർത്ഥിനി പുറത്തേക്ക് തെറിച്ചുവീണു; രക്ഷപ്പെട്ടത് തലനാരിഴയ്ക്ക്

പെരുമ്പാവൂരിൽ 65-കാരനെ വെട്ടിക്കൊന്നു

ശ്രദ്ധ വേണം, കത്തയച്ചതിൽ തെറ്റില്ല; സമസ്തയെയും ലീഗിനെയും രണ്ടു വഴിക്കാക്കാൻ ശ്രമമുണ്ടെന്ന് അബ്ദുസ്സമദ് പൂക്കോട്ടൂർ

നെല്ലിന് കേന്ദ്രം താങ്ങുവില കൂട്ടിയപ്പോള്‍, കുത്തനെ കുറച്ച് കേരളം

കോഴിക്കോട് - കോഴിക്കോട് ഗവ. ബീച്ച് ആശുപത്രിയിൽ ദലിത് യുവതിയായ ജീവനക്കാരിയെ സെക്യൂരിറ്റി സൂപ്പർ വൈസർ പീഡിപ്പിക്കാൻ ശ്രമിച്ചതായി പരാതി. സംഭവത്തിൽ ആശുപത്രിയിലെ സെക്യൂരിറ്റി സൂപ്പർവൈസർക്കെതിരെ കേസെടുത്തതായി പോലീസ് പറഞ്ഞു. 
 യുവതി ഡ്യൂട്ടി കഴിഞ്ഞ് വസ്ത്രം മാറുന്നതിനിടെയാണ് സംഭവം. ഇവിടെ പുരുഷനും സ്ത്രീക്കും ഡ്രസ്സിംഗ് റൂം ഒന്നാണെന്നും ഇരു കൂട്ടരും റൂം അടച്ചശേഷമാണ് ഡ്രസ് മാറാറുള്ളതെന്നും പറയുന്നു. പതിവ് പോലെ ജോലി കഴിഞ്ഞ് റൂമിൽ പ്രവേശിച്ച് വസ്ത്രം മാറ്റുന്നതിനിടെ ബാത്ത്‌റൂമിൽ നിന്ന് ശബ്ദം കേൾക്കുകയായിരുന്നു. തുടർന്ന് ആരാണെന്ന് ചോദിച്ചപ്പോൾ താനാണെന്ന് സെക്യൂരിറ്റി സൂപ്പർവൈസറായ സുരേഷ് പറയുകയുണ്ടായി. ദയവ് ചെയ്ത് നിങ്ങൾ വരരുത്. ഞാൻ ഡ്രസ് മാറുകയാണെന്ന് അറിയിച്ചെങ്കിലും സൂപ്പർ വൈസർ ഉടനെ ബാത്ത്‌റൂമിൽനിന്ന് വന്ന് ചുംബിച്ച് പീഡിപ്പിക്കാൻ ശ്രമിച്ചതായി യുവതി പറഞ്ഞു. ആഗസ്ത് പത്തിനാണ് കേസിനാസ്പദമായ സംഭവം. താത്കാലിക ജീവനക്കാരിയായ യുവതിയുടെ ജോലിയുടെ കാലാവധി, കഴിഞ്ഞ മാസം 30-ന് അവസാനിച്ചിരുന്നു. അതിനുശേഷമാണ് ആശുപത്രി അധികൃതർ പരാതി പോലീസിന് കൈമാറിയതെന്നാണ് പറയുന്നത്. സെക്യൂരിറ്റി സൂപ്പർവൈസറായ സുരേഷും താൽകാലിക ജീവനക്കാരനാണ്. ഇയാളെ ജോലിയിൽനിന്ന് മാറ്റിനിർത്തിയതായി പറയുന്നു. സംഭവത്തിൽ യുവതിയിൽനിന്നും മൊഴിയെടുത്ത്  വിശദമായി അന്വേഷിച്ചുവരികയാണെന്ന് വെള്ളയിൽ പോലീസ് പറഞ്ഞു.