വ്ളോഗർമാരെയും വീഡിയോ നിർമാതാക്കളെയും മുന്നിൽ കണ്ട് ക്യാമറയിൽ മികച്ച സാങ്കേതികതകൾ സാധ്യമാക്കുന്ന സീറോ 30 5ജി സ്മാർട്ട്ഫോൺ പുറത്തിറക്കി ഇൻഫിനിക്സ്. ഒ.ഐ.എസ് ഉള്ള 108എം.പി ട്രിപ്പിൾ ക്യാമറയാണ് ഫോണിലുള്ളത്. ഐ ട്രാക്കിങ് ഓട്ടോ ഫോക്കസ് സാങ്കേതികതയുണ്ട്. ഇതിനു പുറമെ, രാജ്യത്തെ ആദ്യ 50എം.പി ഫ്രണ്ട് ക്യാമറയാണ് ഇൻഫിനിക്സ് സീറോ30 5ജിയിലുള്ളത്.
മീഡിയാടെക് ഡൈമെൻസിറ്റി 8020 6എൻ.എം പ്രൊസസറുള്ള ഫോൺ 4കെയിലാണ് 50എംപി ഫ്രണ്ട് ക്യാമറ അവതരിപ്പിക്കുന്നത്. 6.78 ഇഞ്ച് എഫ്.എച്ച്.ഡി+10-ബിറ്റ് 3ഡി കർവ്ഡ് അമോലെഡ് ഡിസ്പ്ലേയാണ് ഫോണിനുള്ളത്. ഈട് നിൽക്കുന്ന കോർണിങ് ഗൊറില്ല ഗ്ലാസ് 5 ഉപയോഗിച്ചിരിക്കുന്നു. 5000 എം.എ.എച്ച് ബാറ്ററിയുള്ള ഫോണിന് 68 വാട്സ് പി.ഡി 3.0 സൂപ്പർ ചാർജർ ഉപയോഗിക്കുന്നു. 256ജിബി-12ജിബി, 256 ജിബി-8ജിബി ഇനങ്ങളിൽ ലഭ്യമാണ്. വില യഥാക്രമം 22,999, 21,999. റോം ഗ്രീൻ, ഗോൾഡൻ ഹവർ വർണങ്ങളിൽ ലഭ്യമാണ്. 50 എം.പി 4കെ 60 എഫ്.പി.എസ് വീഡിയോ റെക്കോർഡിംഗിലൂടെ സ്മാർട്ട് ഫോണുകളുടെ ഇമേജിംഗ് സാങ്കേതികതയെ മാറ്റിമറിക്കുന്ന പരീക്ഷണങ്ങളാണ് ഇൻഫിനിക്സ് അവതരിപ്പിക്കുന്നതെന്ന് സി.ഇ.ഒ അനീഷ് കപൂർ പറഞ്ഞു.
