ബെംഗളൂരു- ഹാസനിൽ നിന്നുള്ള ജെഡിഎസ് എംപി പ്രജ്വൽ രേവണ്ണയുടെ തിരഞ്ഞെടുപ്പ് കർണാടക ഹൈക്കോടതി അസാധുവാക്കി. മണ്ഡലത്തിലെ വോട്ടറായ ജി ദേവരാജെഗൗഡയും അന്നത്തെ ബിജെപിയുടെ പരാജയപ്പെട്ട സ്ഥാനാർത്ഥി എ മഞ്ജുവും (2019 ലെ ലോക്സഭാ തിരഞ്ഞെടുപ്പ്) സമർപ്പിച്ച രണ്ട് ഹർജികൾ ഭാഗികമായി അംഗീകരിച്ചാണ് ജസ്റ്റിസ് കെ നടരാജൻ ഉത്തരവ് പുറപ്പെടുവിച്ചത്. പ്രജ്വല് രേവണ്ണയ്ക്കെതിരെ നടപടിയെടുക്കാൻ തിരഞ്ഞെടുപ്പ് കമ്മീഷനോട് നിർദ്ദേശിച്ചു.
ജെഡി(എസ്) നേതാവും മുൻ പ്രധാനമന്ത്രിയുമായ എച്ച് ഡി ദേവഗൗഡയുടെ ചെറുമകനാണ് പ്രജ്വല് രേവണ്ണ. 2019ൽ കർണാടകയിൽനിന്ന് ലോക്സഭാ തെരഞ്ഞെടുപ്പിൽ വിജയിച്ച പാർട്ടിയിൽ നിന്നുള്ള ഏകയാളാണ്. ലോക്സഭാ തിരഞ്ഞെടുപ്പിൽ രേവണ്ണയ്ക്കെതിരെ ബിജെപി ടിക്കറ്റിൽ മത്സരിച്ച് പരാജയപ്പെട്ട മഞ്ജു പിന്നീട് ജെ.ഡി.എസിൽ ചേർന്നു. ഇവർ നിലവിൽ എംഎൽഎയാണ്. രേവണ്ണ തെരഞ്ഞെടുപ്പിൽ ക്രമക്കേട് നടത്തിയെന്നും സ്വത്തുവിവരങ്ങൾ തിരഞ്ഞെടുപ്പ് കമ്മീഷനിൽ വെളിപ്പെടുത്തിയില്ലെന്നും ഹർജിയിൽ പറഞ്ഞിരുന്നു. അതേസമയം, മഞ്ജുവിനെ വിജയിയായി പ്രഖ്യാപിക്കണമെന്ന ഹർജിക്കാരുടെ ആവശ്യം ഹൈക്കോടതി തള്ളി.
