ഈയിടെ പുറത്തിറങ്ങിയ ബ്രോ എന്ന സിനിമയുടെ പ്രദര്‍ശനത്തിനിടെ ആവേശം അതിരുവിട്ട തെലുഗുനടന്‍ പവന്‍ കല്യാണ്‍ ആരാധകന്‍ സ്‌ക്രീനില്‍ പാലഭിഷേകം നടത്തിയത് വിവാദമായി.
രാഷ്ട്രീയത്തില്‍ സജീവമായതോടെ നീണ്ട ഇടവേളക്ക് ശേഷമാണ് പവന്‍ കല്യാണിന്റെ ഒരു ചിത്രം വീണ്ടും റിലീസായത്. താരത്തിന്റെ അനന്തരവന്‍ സായ് ധരം തേജും ചിത്രത്തിലുണ്ട്.
ലക്ഷങ്ങള്‍ വിലയുള്ള സ്‌ക്രീന്‍ ആരാധകര്‍ പാലഭിഷേകം നടത്തി നശിപ്പിച്ചതോടെ ആന്ധ്രാ പാര്‍വതിപുരം സൗന്ദര്യ തിയേറ്റര്‍ ഉടമ പോലീസില്‍ പരാതി നല്‍കി. തുടര്‍ന്നാണ് ആരാധകരെ അറസ്റ്റ് ചെയ്തത്. സംഭവത്തിന്റെ വീഡിയോ സമൂഹമാധ്യമങ്ങളില്‍ വൈറലാണ്.
തെലുങ്കില്‍ വലിയ ആരാധകവൃന്ദമുള്ള നടനാണ് പവന്‍ കല്യാണ്‍. സിനിമക്കാരനായി തിളങ്ങി ജനസേന എന്ന പേരില്‍ സ്വന്തം പാര്‍ട്ടി ഉണ്ടാക്കി രാഷ്ട്രീയത്തിലും സജീവമാണ് ആരാധകരുടെ പവര്‍ സ്റ്റാര്‍.
