ലോസാഞ്ചലസ്- മിസ്റ്റര്‍ ബീസ്റ്റ് എന്നറിയപ്പെടുന്ന അമേരിക്കന്‍ യൂട്യൂബര്‍ ജിമ്മി ഡൊണാള്‍ഡ്സണ്‍, മെറ്റയുടെ പുതുതായി ആരംഭിച്ച പ്ലാറ്റ്ഫോം ത്രെഡ്‌സില്‍ ഒരു ദശലക്ഷം ഫോളോവേഴ്സില്‍ എത്തുന്ന ആദ്യത്തെ വ്യക്തിയായി ഗിന്നസ് വേള്‍ഡ് റെക്കോര്‍ഡ് സ്ഥാപിച്ചു. അനുയായികളുടെ എണ്ണത്തില്‍ മെറ്റാ സിഇഒ മാര്‍ക്ക് സക്കര്‍ബര്‍ഗിനെ മറികടന്ന്, വ്യാഴാഴ്ച ആപ്പില്‍ ചേര്‍ന്ന് ഏതാനും മണിക്കൂറുകള്‍ക്കുള്ളില്‍ മൂന്ന് പോസ്റ്റുകള്‍ മാത്രം പങ്കിട്ടുകൊണ്ടാണ് ബീസ്റ്റ് ഈ നേട്ടം കൈവരിച്ചത്.
999കെ ത്രെഡ്സ് ഫോളോവേഴ്സ് ദശലക്ഷമായി മാറിയതിന്റെ കൃത്യമായ നിമിഷം കാണിക്കുന്ന വീഡിയോയോടെയാണ് 25-കാരന്റെ നേട്ടം ഗിന്നസ് ബുക്ക് ട്വിറ്ററില്‍ പ്രഖ്യാപിച്ചത്. ഈ റിപ്പോര്‍ട്ട് എഴുതുമ്പോള്‍, ഈ യൂട്യൂബറിന് മൂന്ന് ദശലക്ഷത്തിലധികം ഫോളോവേഴ്സ് ഉണ്ട്.
