കണ്ണൂര്‍- ഇരിട്ടി സ്വദേശിനിയായ വിദ്യാര്‍ഥിനി ബംഗളുരുവില്‍ വാഹനാപകടത്തില്‍ മരിച്ചു. ഇരിട്ടി കച്ചേരിക്കടവ് തേക്കേല്‍ വീട്ടില്‍ അഷ്മിത സജിമോനാണ് (19) മരിച്ചത്. അഷ്മിത ഓടിച്ച സ്‌കൂട്ടറില്‍ ട്രക്കിടിച്ചാണ് അപകടം. സംഭവസ്ഥലത്തു തന്നെ മരണം സംഭവിച്ചു.
കര്‍ണാടക കോളേജില്‍ ഫാം ഡി മൂന്നാം വര്‍ഷ വിദ്യാര്‍ഥിനിയാണ് അഷ്മിത.
ബംഗളൂരു ഹെഗ്‌ഡെ നഗറിലായിരുന്നു അപകടം. കോളേജില്‍ നിന്നും കൂട്ടുകാരിക്കൊപ്പം താമസസ്ഥലത്തേക്ക് സ്‌കൂട്ടറില്‍ മടങ്ങുന്നതിനിടെയാണ് അപകടം. ഗുരുതരമായി പരിക്കേറ്റ അഷ്മിത സംഭവസ്ഥലത്തുവെച്ചു തന്നെ മരിച്ചു. കൂട്ടുകാരി രക്ഷപ്പെട്ടു.
ഗള്‍ഫില്‍ ജോലി ചെയ്യുന്ന കച്ചേരിക്കടവ് തെക്കേവീട്ടില്‍ സജിമോന്‍-ജിലു ദമ്പതികളുടെ മകളാണ് അഷ്മിത. സഹോദരന്‍ ആഷിഷ്. മൃതദേഹം യെലഹങ്ക സര്‍ക്കാര്‍ ആശുപത്രിയിലാണുള്ളത്.
മാതാപിതാക്കള്‍ ഗള്‍ഫില്‍നിന്ന് എത്തിയ ശേഷം മൃതദേഹം നാട്ടിലെത്തിക്കും.
കൂടുതല് വായിക്കുക
ഈ വിഭാഗത്തിൽ പോസ്റ്റ് ചെയ്ത അനുബന്ധ ലേഖനങ്ങൾ അടങ്ങിയിരിക്കുന്നു (Related Nodes field)
