ബംഗളൂരു- ബംഗളൂരു-മൈസൂരു അതിവേഗ പാത പ്രധാനമന്ത്രി നരേന്ദ്ര മോഡി ഉദ്ഘാടനം ചെയ്തു. കർണാടകയിലെ മാണ്ഡ്യയിലാണ് റോഡ് ഉദ്ഘാടനം ചെയ്തത്. 8,480 കോടി രൂപ ചെലവിലാണ് പദ്ധതി വികസിപ്പിച്ചിരിക്കുന്നത്. ഇതോടെ രണ്ട് നഗരങ്ങൾക്കിടയിലുള്ള യാത്രാ സമയം 3 മണിക്കൂറിൽ നിന്ന് 75 മിനിറ്റായി കുറയും. നിയമസഭ തെരഞ്ഞെടുപ്പ് നടക്കാനിരിക്കുന്ന കർണാടകയിൽ മോഡി റോഡ് ഷോയും നടത്തി. ഐ.ഐ.ടി ധാർവാഡ്, മൈസൂരു-ഖുഷൽനഗർ നാലുവരി പാത, ഹുബ്ബള്ളി സ്റ്റേഷനിൽ ലോകത്തിലെ ഏറ്റവും നീളം കൂടിയ റെയിൽവേ പ്ലാറ്റ്ഫോം എന്നിവയുൾപ്പെടെ 16,000 കോടി രൂപയുടെ ഒന്നിലധികം പദ്ധതികളുടെ തറക്കല്ലിടലും മോഡി നിർവഹിക്കും. പത്തുവരിയുള്ള അതിവേഗ പാതയാണ് ബംഗളൂരു-മൈസൂർ പാത. ജനങ്ങൾ നൽകുന്ന സ്‌നേഹം വികസനമായി തിരിച്ചുനൽകുമെന്ന് മോഡി വ്യക്തമാക്കി. ബംഗളൂരുവിൽനന്ന് കേരളത്തിലേക്കും ഇതുവഴി യാത്ര സമയം കുറയും.
Elated to be in Mandya today. Key road infrastructure projects are being launched from here which will boost connectivity across Karnataka. https://t.co/kzhm3JzeX7
— Narendra Modi (@narendramodi) March 12, 2023
