വാഷിങ്ടൺ- അടുത്ത വർഷം നടക്കാനിരിക്കുന്ന അമേരിക്കൻ പ്രസിഡന്റ് തെരഞ്ഞെടുപ്പിൽ മത്സരിക്കാനൊരുങ്ങി പാലക്കാട്ടു വേരുകളുള്ള വിവേക് രാമസ്വാമി. പാലക്കാട് വേരുകളുള്ള വിവേക് രാമസ്വാമി യു.എസിൽ ടെക് സംരംഭകനും എഴുത്തുകാരനും സാമൂഹിക പ്രവർത്തകനുമാണ്. അടുത്ത വർഷം നടക്കുന്ന യു.എസ് പ്രസിഡന്റ് സ്ഥാനത്തേക്കുള്ള തെരഞ്ഞെടുപ്പിൽ റിപ്പബ്ലിക്കൻ പാർട്ടിയിൽനിന്ന് വിവേക് അടക്കം മൂന്ന് പേരാണ് ഇതുവരെ സ്ഥാനാർഥിത്വം പ്രഖ്യാപിച്ചിട്ടുള്ളത്. രാജ്യത്തിന് നഷ്ടപ്പെട്ട മെറിറ്റ് തിരികെ നൽകുകയും ചൈനയെ ആശ്രയിക്കുന്നത് അവസാനിപ്പിക്കുകയും ചെയ്യുമെന്നും 37-കാരനായ രാമസ്വാമി പറഞ്ഞു. ഞാൻ അമേരിക്കയെ ഒന്നാമതെത്തിക്കും. എന്നാൽ അമേരിക്കയെ ഒന്നാമതെത്തിക്കുന്നതിന്, ആദ്യം അമേരിക്ക എന്താണെന്ന് നമ്മൾ വീണ്ടും കണ്ടെത്തണം. എന്നെ സംബന്ധിച്ചിടത്തോളം, ഈ അടിസ്ഥാന നിയമങ്ങളാണ് ഈ രാജ്യത്തെ മെറിറ്റോക്രസിയിൽ നിന്ന് സംസാര സ്വാതന്ത്ര്യത്തിലേക്കുള്ള ചലനത്തിലേക്ക് നയിക്കുന്നത്. ചൈനയുടെ ഉയർച്ച പോലെയുള്ള ബാഹ്യ ഭീഷണികളാണ് അമേരിക്ക നേരിടുന്നതെന്നും അദ്ദേഹം പറഞ്ഞു.
കേരളത്തിൽ നിന്ന് അമേരിക്കയിലേക്ക് കുടിയേറി ഒഹായോയിലെ ജനറൽ ഇലക്ട്രിക് പ്ലാന്റിൽ ജോലി ചെയ്തിരുന്ന 37 കാരനായ രാമസ്വാമി, യാഥാസ്ഥിതിക രാഷ്ട്രീയ നിരൂപകനായ ടക്കർ കാൾസണിന്റെ ഫോക്‌സ് ന്യൂസിന്റെ െ്രെപം ടൈം ഷോയിൽ തത്സമയ അഭിമുഖത്തിനിടെയാണ് ഇക്കാര്യം അറിയിച്ചത്. നമ്മുടെ ജീവിതത്തിന്റെ എല്ലാ ആത്മാവിലും അമേരിക്കക്ക് അതിന്റെ മെറിറ്റ് തിരികെ നൽകേണ്ടതുണ്ടെന്ന് ഞാൻ കരുതുന്നുവെന്നും അദ്ദേഹം പറഞ്ഞു. റിപ്പബ്ലിക്കൻ പ്രസിഡൻഷ്യൽ പ്രൈമറിയിൽ പ്രവേശിക്കുന്ന രണ്ടാമത്തെ ഇന്ത്യൻ-അമേരിക്കക്കാരനാണ് അദ്ദേഹം. സൗത്ത് കരോലിന മുൻ ഗവർണറും ഐക്യരാഷ്ട്രസഭയിലെ മുൻ യു.എസ് അംബാസഡറുമായ നിക്കി ഹേലിയാണ് മറ്റൊരു ഇന്ത്യൻ വംശജ. റിപ്പബ്ലിക്കൻ പാർട്ടിയുടെ നോമിനേഷനിൽ തന്റെ മുൻ മേധാവിയും മുൻ യു.എസ് പ്രസിഡന്റുമായ ഡൊണാൾഡ് ട്രംപിനെതിരെ മത്സരിക്കുമെന്ന് അവർ പ്രഖ്യാപിച്ചു. മുൻ പ്രസിഡന്റ് ഡൊണാൾഡ് ട്രംപും റിപ്പബ്ലിക്കൻ പാർട്ടിയിൽനിന്ന മത്സരിക്കാനുണ്ട്.
വിവേക് രാമസ്വാമിയുടെ മാതാപിതാക്കളാണ് യു.എസിലേക്ക് കുടിയേറിയത്. ബയോഫാർമസ്യൂട്ടിക്കൽ കമ്പനിയായ റോവന്റ് സയൻസ് സ്ഥാപകനും സ്‌ട്രൈവ് അസ്റ്റ് മാനേജ്‌മെന്റ് സഹസ്ഥാപകനുമായ വിവേക് അമേരിക്കയിലാണ് ജനിച്ചതും വളർന്നതും.
