ഗുരുഗ്രാം- ജോലി വാഗ്ദാനം ചെയ്ത് അഭിമുഖത്തിനു വിളിച്ച ടെക്കി വനിതയെ ബലാത്സംഗം ചെയ്തു. ഗുരുഗ്രാം മാളിലെ പാർക്കിംഗിൽ നിർത്തിയിട്ടിരുന്ന കാറിലെത്തിച്ചാണ് യുവതിയെ ബലാത്സംഗം ചെയ്തതെന്നും മയക്കുമുരുന്ന് കലർന്ന പാനീയം കുടിക്കാൻ നൽകിയിരുന്നുവെന്നും പോലീസ് പറഞ്ഞു.
ജോലി വാഗ്ദാനം ചെയ്താണ് എൻജിനീയറിംഗ് ബിരുദധാരിയായ യുവതിയെ അഭിമുഖത്തിനു വിളിച്ചതെന്നും തുടർന്ന് മയക്കുമരുന്ന് കലർന്ന പാനീയം കുടിക്കാൻ നൽകിയെന്നും പോലീസ് പറഞ്ഞു. ഓൺലൈനിൽ ജോലി അന്വേഷിക്കുന്നതിനിടെയാണ് പ്രതി തുഷാർ ശർമ എന്നയാളെ പരിചയപ്പെട്ടതെന്ന് സെക്ടർ 51 വനിതാ പോലീസ് സ്റ്റേഷനിൽ നൽകിയ പരാതിയിൽ 27 കാരിയായ യുവതി പറഞ്ഞു.
സഹാറ മാളിലേക്കാണ് അഭിമുഖത്തിനു വിളിച്ചതെന്നും സർട്ടിഫിക്കറ്റുകളും മറ്റും കാണിച്ചതിനുശേഷം മാളിന്റെ പാർക്കിംഗിലേക്ക് കാറോടിച്ചു പോകുകയായിരുന്നുവെന്നും യുവതി പറഞ്ഞു. ആരോടെങ്കിലും പറഞ്ഞാൽ കൊല്ലുമെന്ന് ഭീഷണിപ്പെടുത്തിയാണ് മാൾ പാർക്കിംഗിൽ ഉപേക്ഷിച്ച് ശർമ കടന്നുകളഞ്ഞതെന്നും പരാതിയിൽ പറഞ്ഞു.
കൂടുതല് വായിക്കുക
ഈ വിഭാഗത്തിൽ പോസ്റ്റ് ചെയ്ത അനുബന്ധ ലേഖനങ്ങൾ അടങ്ങിയിരിക്കുന്നു (Related Nodes field)
