ബെയ്ജിംഗ്- പ്ലൂട്ടോ ഗ്രഹത്തിന്റെ വലിപ്പമുള്ള ഭൂമിയുടെ ആന്തരിക കാമ്പ് ഇടക്ക് കറക്കം നിര്‍ത്തിയെന്ന് ശാസ്ത്രജ്ഞര്‍. 2009 ല്‍ ആന്തരിക കാമ്പ് കറക്കം നിര്‍ത്തിയിരുന്നതായാണ് ശാസ്ത്രജ്ഞരുടെ പഠനം പറയുന്നത്. അകക്കാമ്പ് കൂടുതലും പൊങ്ങിക്കിടക്കുന്ന ഇരുമ്പിന്റെ ഖരബോള്‍ ആയതിനാല്‍ ഇത് സാധ്യമാണെന്നും അതിന്റെ ഭ്രമണം ഗ്രഹത്തിന്റെ ബാക്കി ഭാഗവുമായി ബന്ധപ്പെട്ടിരിക്കണമെന്നില്ലെന്നുമാണ് ശാസ്ത്രജ്ഞര്‍ പറയുന്നത്.
ഇതിനു പിന്നാലെ അകക്കാമ്പ് എതിര്‍ദിശയില്‍ കറങ്ങാന്‍ തുടങ്ങിയിരിക്കാമെന്നും ശാസ്ത്രജ്ഞര്‍ പറയുന്നു. അങ്ങനെയാണെങ്കില്‍, കാമ്പിന്റെ ഭ്രമണത്തെ നയിക്കുന്ന കാന്തിക, ഗുരുത്വാകര്‍ഷണ ബലങ്ങള്‍ക്ക് എന്തെങ്കിലും സംഭവിക്കാം.
കാമ്പിലെ മാറ്റങ്ങള്‍ ഭൂമിയുടെ ഉപരിതലത്തില്‍ പകലിന്റെ ദൈര്‍ഘ്യം, നാവിഗേഷന്‍ എന്നിവയെ എങ്ങനെ സ്വാധീനിക്കും എന്നതിനെക്കുറിച്ചുള്ള ധാരണ വര്‍ദ്ധിപ്പിക്കാന്‍ ഗവേഷണം സഹായിക്കുമെന്ന് കരുതുന്നു..
ഗ്രഹത്തിന്റെ അകക്കാമ്പിലൂടെ കടന്നുപോകുന്ന ഭൂകമ്പങ്ങളില്‍ നിന്നുള്ള ഭൂകമ്പ തരംഗങ്ങള്‍ പഠനത്തിന്റെ ഭാഗമായി വിശകലനം ചെയ്തിട്ടുണ്ട്.
തിരമാലകളുടെ ട്രാക്കിംഗില്‍ കഴിഞ്ഞ ദശകത്തില്‍ ചെറിയ മാറ്റങ്ങളുണ്ടായി.
ചൈനയിലെ പെക്കിംഗ് സര്‍വകലാശാലയിലെ ശാസ്ത്രജ്ഞരാണ് ഭൂമിയുടെ അകക്കാമ്പ് കറക്കം നിര്‍ത്തിയെന്നും എതര്‍ദിശയില്‍ കറങ്ങിയെന്നും വിശ്വസിക്കുന്നത്. നേച്ചര്‍ ജിയോസയന്‍സ് ജേണലില്‍ പ്രസിദ്ധീകരിച്ച ഇവരുടെ നിരീക്ഷണങ്ങള്‍, കാന്തിക മണ്ഡലത്തെയും ഉപരിതലത്തിലെ മാറ്റങ്ങളെയും സ്വാധീനിക്കാന്‍ കഴിയുന്ന ഭൂമിയുടെ വ്യത്യസ്ത പാളികള്‍ തമ്മിലുള്ള ചലനാത്മക ഇടപെടലുകള്‍ക്ക് കൂടുതല്‍ തെളിവുകള്‍ നല്‍കിയിരിക്കയാണ്.
മറ്റ് ശാസ്ത്രജ്ഞര്‍ ഗവേഷണം ശ്രദ്ധിച്ചുവെങ്കിലും എന്നാല്‍ ഇത് കൃത്യമാണോ എന്ന് നിര്‍ണ്ണയിക്കാന്‍ കുറച്ച് വര്‍ഷങ്ങള്‍ എടുത്തേക്കാമെന്നാണ് അവര്‍ അഭിപ്രായപ്പെടുന്നത്.
ചൈനയിലെ പീക്കിങ് സര്‍വകലാശാലയില്‍ നിന്നുള്ള ഗവേഷകരായ യീ യാങ്, ഷിയാഡോങ് സോങ് എന്നിവരാണ് ഈ നിഗമനത്തിനു പിന്നില്‍. നേച്ചര്‍ ജിയോസയന്‍സ് എന്ന ജേണലില്‍ ഇത് സംബന്ധിച്ച് പഠനം പ്രസിദ്ധീകരിക്കുകയും ചെയ്തു.
35 വര്‍ഷത്തിലൊരിക്കല്‍ ഉള്‍ക്കാമ്പ് കറങ്ങുന്നതിന്റെ ദിശ മാറുമെന്നും എണ്‍പതുകളില്‍ ആണ് ഇതിനു മുന്‍പ് ഇങ്ങനെ സംഭവിച്ചതെന്നും പറയുന്നു. ഇനി ഇതുപോലൊരു പ്രതിഭാസം 2040 നു ശേഷമാകും ഉണ്ടാകുക.
ഭൂമി മൂന്ന് അടുക്കുകളായാണു സ്ഥിതി ചെയ്യുന്നത്. ഉപരിതലത്തിലുള്ള ക്രസ്റ്റ്, മധ്യത്തിലെ മാന്റില്‍, ഉള്ളിലുള്ള ഉള്‍ക്കാമ്പ് അഥവാ കോര്‍. ഇരുമ്പ്, നിക്കല്‍ എന്നീ ലോഹങ്ങളാല്‍ നിര്‍മ്മിതമാണ് കോര്‍. സ്വര്‍ണം, കൊബാള്‍ട്ട്, പ്ലാറ്റിനം തുടങ്ങിയ ലോഹങ്ങളും കോറില്‍ അടങ്ങിയിരിക്കുന്നു. ഖര, ദ്രാവക ഘടകങ്ങള്‍ ഇതിനുണ്ട്. ഘര ഭാഗം ഉള്ളിലും ദ്രാവക ഭാഗം പുറത്തും. ഖരരൂപത്തിലുള്ള ഉള്‍ക്കാമ്പ് (ഇന്നര്‍ കോര്‍) വലിയ വേഗത്തില്‍ ദ്രാവകരൂപത്തിലുള്ള കോര്‍ഭാഗത്തിനുള്ളില്‍ (ഔട്ടര്‍ കോര്‍) കറങ്ങുന്നുണ്ടെന്ന് 1996 ല്‍ ശാസ്ത്രജ്ഞര്‍ മനസ്സിലാക്കിയിരുന്നു.
