ടോക്കിയോ- ജപ്പാനില്‍ ഏര്‍പ്പെടുത്തിയ സ്വവര്‍ഗ വിവാഹ നിരോധനം ടോക്കിയോ കോടതി ശരിവെച്ചു. എന്നാല്‍ നിരോധനം മനുഷ്യാവകാശ ലംഘനമാണെന്ന് ചൂണ്ടിക്കാണിക്കുകയും ചെയ്തു.
നിയമം വിവേചനപരമാണെന്ന് ആരോപിച്ച് നാല് ദമ്പതികളാണ് നഷ്ടപരിഹാര ഹരജി ഫയല്‍ ചെയ്തത്.
നിലവില്‍ സ്വവര്‍ഗ വിവാഹം അംഗീകരിക്കാത്ത ഏക ജി7 രാജ്യമാണ് ജപ്പാന്‍. നിയമത്തില്‍ മാറ്റം വരുത്തേണ്ടതുണ്ടെന്ന സര്‍ക്കാരിനുള്ള സൂചനയായി ഈ വിധി സ്വാഗതം ചെയ്യപ്പെട്ടു.
ഇത് യഥാര്‍ത്ഥത്തില്‍ അനുകൂലമായ വിധിയാണെന്ന് കേസില്‍ ഉള്‍പ്പെട്ട അഭിഭാഷകരില്‍ ഒരാളായ നൊബുഹിതോ സവാസാക്കി പറഞ്ഞു.
اقرأ المزيد
يحتوي هذا القسم على المقلات ذات صلة, الموضوعة في (Related Nodes field)
സ്വവര്‍ഗ കുടുംബങ്ങള്‍ക്ക് നിയമപരമായ പരിരക്ഷയില്ലാത്ത നിലവിലെ സാഹചര്യം നല്ലതല്ലെന്നും അതിനെക്കുറിച്ച് എന്തെങ്കിലും ചെയ്യണമെന്ന് കോടതി നിര്‍ദേശിച്ചതായും അദ്ദേഹം പറഞ്ഞു.
പ്രധാനമന്ത്രി ഫ്യൂമിയോ കിഷിദയുടെ ഭരണകക്ഷി നിയമനിര്‍മ്മാണം മാറ്റുന്നതിനോ അവലോകനം ചെയ്യുന്നതിനോ ഉള്ള പദ്ധതികളൊന്നും ഇതുവരെ വെളിപ്പെടുത്തിയിട്ടില്ല, എന്നിരുന്നാലും മന്ത്രിസഭയിലെ നിരവധി മുതിര്‍ന്ന അംഗങ്ങള്‍ സ്വവര്‍ഗ വിവാഹത്തെ പിന്തുണയ്ക്കുന്നു.
ഹരജി തള്ളിയെങ്കിലും സ്വവര്‍ഗ ദമ്പതികളെ വിവാഹത്തിലേക്കുള്ള നിയമപരമായ വഴിയില്‍ നിന്ന് തടയുന്നത് യുക്തിരഹിതമാണെന്നും പറഞ്ഞു.
നിലവില്‍ രണ്ട് ലിംഗങ്ങളുടെയും പരസ്പര സമ്മതത്തോടെയുള്ളതെന്നാണ് ജപ്പാന്റെ ഭരണഘടന വിവാഹത്തെ നിര്‍വചിച്ചിരിക്കുന്നത്.
