നടിയും നര്‍ത്തകിയുമായ ആശ ശരത്തിന്റെ മകളും നടിയുമായ ഉത്തര ശരത്തിന്റെ വിവാഹനിശ്ചയം കഴിഞ്ഞു. ആദിത്യയാണ് വരന്‍. കൊച്ചിയിലെ സ്വകാര്യഹോട്ടലില്‍ നടന്ന ചടങ്ങില്‍ ആശ ശരത്തിന്റെ കുടുംബാംഗങ്ങളും അടുത്ത സുഹൃത്തുക്കളുമടക്കം നിരവധി പേര്‍ പങ്കെടുത്തു. മമ്മൂട്ടി, സുരേഷ് ഗോപി, ദിലീപ്, മനോജ് കെ. ജയന്‍ തുടങ്ങി നിരവധി താരങ്ങളും ചടങ്ങിനെത്തി.
ഉത്തര അമ്മക്കൊപ്പം നൃത്തവേദികളില്‍ സജീവമാണ്. മെക്കാനിക്കല്‍ എന്‍ജിനീയറായ ഉത്തര ഖെദ്ദ എന്ന ചിത്രത്തിലൂടെ അഭിനയരംഗത്ത് അരങ്ങേറ്റം കുറിച്ചിരുന്നു. ആശ ശരത്തും ഈ ചിത്രത്തില്‍ പ്രധാനവേഷത്തിലെത്തുന്നുണ്ട്. 2021 ലെ മിസ് കേരള റണ്ണര്‍അപ്പ് കൂടിയായിരുന്നു ഉത്തര.
കീര്‍ത്തനയാണ് ആശ ശരത്തിന്റെ രണ്ടാമത്തെ മകള്‍. കാനഡയിലെ വെസ്‌റ്റേണ്‍ സര്‍വകലാശാലയില്‍ നിന്നു സിന്തറ്റിക് ബയോളജിയിലാണ് കീര്‍ത്തന ബിരുദം നേടിയിരിക്കുന്നത്.
