കൊച്ചി-ഷാജി കൈലാസിന്റെ സംവിധാനത്തില്‍ ഒരുങ്ങുന്ന 'കാപ്പ'യുടെ ഷൂട്ടിംഗ് പൂര്‍ത്തിയായി. പൃഥ്വിരാജ് സുകുമാരന്‍, ആസിഫ് അലി, അപര്‍ണ ബാലമുരളി, അന്ന ബെന്‍ എന്നിവര്‍ ഒന്നിക്കുന്ന ചിത്രമാണ് കാപ്പ'.
കടുവയുടെ വിജയത്തിന് ശേഷം ഷാജി കൈലാസ് സംവിധാനം ചെയ്യുന്ന ചിത്രത്തിന്റെ രചന പ്രശസ്ത നോവലിസ്റ്റ് ഇന്ദുഗോപന്റേതാണ് . ഫെഫ്ക റൈറ്റേഴ്‌സ് യൂണിയന്‍ ആണ് ചിത്രത്തിന്റെ നിര്‍മാണം. തിരുവനന്തപുരം പശ്ചാത്തലമാക്കിയ ഒരു ഗാംഗ്സ്റ്റര്‍ ഡ്രാമയാണ് കാപ്പ.
നേരത്തേ വേണു സംവിധാനം ചെയ്യാനിരുന്ന ചിത്രമാണിത്. എന്നാല്‍ ചില അഭിപ്രായ വ്യത്യാസങ്ങളെ തുടര്‍ന്ന് അദ്ദേഹം പിന്‍മാറുകയായിരുന്നു. തമിഴില്‍ അജിത് ചിത്രവുമായുള്ള ഡേറ്റ് ക്ലാഷിനെ തുടര്‍ന്ന് മഞ്ജുവാര്യരും ചിത്രത്തില്‍ നിന്ന് പിന്മാറി. ഈ വേഷത്തിലേക്കാണ് പിന്നീട് അപര്‍ണ എത്തിയത്.
