കോട്ടയം- നടി അഞ്ജലി എസ് നായർ വിവാഹിതയാകുന്നു. ഹൃദയം എന്ന സിനിമയിൽ സെൽവി എന്ന കഥാപാത്രത്തെ അവതരിപ്പിച്ചുകൊണ്ട് ശ്രദ്ധ നേടിയ താരം അതേ സിനിമയിൽ കൂടെ അഭിനയിച്ച ആദിത്യൻ ചന്ദ്രശേഖരനെ വിവാഹം കഴിക്കാൻ തീരുമാനിക്കുകയായിരുന്നു.ജോ എന്ന കഥാപാത്രത്തെ അവതരിപ്പിച്ച ആദിത്യൻ ഒരു സംവിധായകൻ കൂടിയാണ്. ആവറേജ് അമ്പിളി, സെബാസ്റ്റ്യന്റെ വെള്ളിയാഴ്ച തുടങ്ങിയ വെബ് സീരീസുകൾ അദ്ദേഹം സംവിധാനം ചെയ്തിട്ടുണ്ട്.ഫ്രൈഡേ ഫിലിംസിന്റെ പുതിയ സിനിമ സംവിധാനം ചെയ്യാനുള്ള തിരക്കിലാണ് അദ്ദേഹം. ബേസിൽ ജോസഫ്, സുരാജ് വെഞ്ഞാറമൂട്, സൈജു കുറുപ്പ് തുടങ്ങിയ താരങ്ങൾ അണിനിരക്കുന്ന ചിത്രമാണിത്.
