കൊച്ചി- മിനിസ്‌ക്രീനിലൂടെ മലയാളികള്‍ക്ക് ഏറെ സുപരിചിതരായ താരദമ്പതികളാണ് ജിഷിനും വരദയും. ഇരുവരും വിവാഹമോചിതരായി എന്ന തരത്തില്‍ സോഷ്യല്‍ മീഡിയയില്‍ വാര്‍ത്തകള്‍ പ്രചരിച്ചിരുന്നു. ഇതിനോട് രൂക്ഷമായി പ്രതികരിക്കുകയാണ് ജിഷിന്‍.തനിക്കെതിരെ വ്യാജ വാര്‍ത്തയാണ് പ്രചരിക്കുന്നതെന്ന് ജിഷിന്‍ പറഞ്ഞു. മലയാളി നടിയുടെ കൂടെ എന്നെ കാറില്‍ നിന്ന് പിടിച്ചെന്നും അവര്‍ കാറില്‍ നിന്ന് ഇറങ്ങിയിട്ടും ഞാന്‍ ഇറങ്ങാത്തതുകൊണ്ട് നാട്ടുകാര്‍ എന്നെ പിടിച്ച് ഇറക്കിയെന്നുമായിരുന്നു വാര്‍ത്ത. ജിഷിന്‍ വരദ എന്ന് സെര്‍ച്ച് ചെയ്താല്‍ ഇതൊക്കെയാണ് ഇപ്പോള്‍ വരിക. ഞങ്ങള്‍ ഡിവോഴ്‌സ് ആയെന്നും വാര്‍ത്തകളുണ്ട്. എന്തായാലും ഞങ്ങള്‍ ഡിവോഴ്‌സ് ആയിട്ടില്ല. ആകുമ്പോള്‍ അറിയിക്കാമെന്നും ജിഷിന്‍ പ്രതികരിച്ചു.
സൈബര്‍ അറ്റാക്കിനെതിരെ വരദയും നേരത്തെ പ്രതികരിച്ചിരുന്നു. 'ഇത്തരം വാര്‍ത്തകളോട് എനിക്കൊന്നും പറയാനില്ല. കഴിഞ്ഞ കുറച്ച് ദിവസങ്ങളായി ഇതെല്ലാം ഞാനും കണുന്നുണ്ട്. ഞാന്‍ പ്രതികരിക്കുന്നില്ലെന്നു മാത്രം. ഒരാളുടെ പേഴ്‌സണല്‍ ലൈഫിലേക്ക് ഒളിഞ്ഞ് നോക്കുന്നത് തെറ്റാണ്. ഒളിഞ്ഞ് നോക്കിയതിനുശേഷം അറിയാന്‍ വയ്യാത്ത കാര്യം എഴുതുന്നത് അതിലേറെ തെറ്റാണ്. സംഗതി ശരിയോ, തെറ്റോ ആയിക്കൊള്ളട്ടെ, അത് ഓരോരുത്തരുടേയും വ്യക്തിപരമായ കാര്യമാണെന്ന് ഓര്‍ക്കുന്നത് നല്ലതാണ്,' വരദ പറഞ്ഞു.
