ചെന്നൈ-നടി മഹാലക്ഷ്മിയുടെ വിവാഹം കഴിഞ്ഞു. ഫാറ്റ് മാന്‍ എന്ന് വിളിയ്ക്കുന്ന ലിബ്ര രവിയാണ് വരന്‍. വിവാഹ ചിത്രങ്ങള്‍ മഹാലക്ഷ്മി തന്നെയാണ് തന്റെ ഇന്‍സ്റ്റഗ്രാം പേജിലൂടെ പങ്കുവച്ചത്. തിരുപ്പതി അമ്പലത്തില്‍ വച്ചായിരുന്നു വിവാഹം. വിവാഹത്തില്‍ അടുത്ത ബന്ധുക്കളും സുഹൃത്തുക്കളും പങ്കെടുത്തു.സിനിമ നിര്‍മാതാവ് ആണ് മഹാലക്ഷ്മിയുടെ കഴുത്തില്‍ മിന്ന് ചാര്‍ത്തിയ രവിന്ദര്‍ ചന്ദ്രശേഖര്‍. ലിബ്ര എന്ന പ്രൊഡക്ഷന്‍ ഹൗസിന്റെ ബാനറില്‍ സിനിമകള്‍ നിര്‍മിയ്ക്കുന്നതിനാല്‍ ലിബ്ര രവി എന്നാണ് ഇദ്ദേഹത്തെ വിളിയ്ക്കുന്നത്. നിര്‍മിച്ച സിനിമകളില്‍ അഭിനയിക്കുകയും ചെയ്തിട്ടുണ്ട്.'നിന്നെ എന്റെ ജീവിതത്തില്‍ കിട്ടിയത് എന്റെ ഭാഗ്യമാണ്. നീ എന്റെ ഹൃദയം സ്‌നേഹം കൊണ്ട് നിറച്ചു. ലവ് യു അമ്മു' എന്നാണ് മഹാലക്ഷ്മി വിവാഹ ഫോട്ടോകള്‍ പങ്കുവച്ചുകൊണ്ട് ഇന്‍സ്റ്റഗ്രാമില്‍ കുറിച്ചത്. മഹാലക്ഷ്മിയെ പോലൊരു പെണ്‍കുട്ടി ജീവിതത്തിലേക്ക് വരണം എന്നത് ആഗ്രഹമാണ്, മഹാലക്ഷ്മി തന്നെ ജീവിതത്തിലേക്ക് വന്നത് ഭാഗ്യമാണ് എന്ന് രവിയും സോഷ്യല്‍ മീഡിയയില്‍ കുറിച്ചുമലയാളികള്‍ക്കും ഏറെ പരിചിതയാണ് വീഡിയോ ജോക്കി കൂടെയായ മഹാലക്ഷ്മി. ബാലതാരമായി ടെലിവിഷന്‍ ലോകത്ത് എത്തിയ താരം ഓട്ടോഗ്രാഫ് എന്ന സീരിയലില്‍ ആണ് മലയാളത്തില്‍ ആദ്യം അഭിനയിച്ചത്. പിന്നീട് ഹരിചന്ദനം എന്ന സീരിയലിലും സെക്കന്റ് ഹീറോയിനായി എത്തി.
