തന്റെ നവജാതശിശു അച്ഛന്റെ തോളിൽ വിശ്രമിക്കുന്ന മനോഹര ചിത്രം ഇൻസ്റ്റഗ്രാമിൽ പങ്കുവെച്ച് ഹേ സിനാമിക നടി കാജൽ അഗർവാൾ. നടി കാജൽ അഗർവാളും ഭർത്താവ് ഗൗതം കിച്ച്‌ലുവും അടുത്തിടെയാണ് മകൻ നീൽ കിച്ച്‌ലുവിനെ വരവേറ്റത്. തന്റെ ജീവിതത്തിലെ പുതിയ അധ്യായത്തെ കുറിച്ച് കാജൽ നീണ്ട കുറിപ്പ് എഴുതുകയും ചെയ്തു.
അച്ഛനും മകനും ഉറങ്ങിപ്പോയതുപോലെ തോന്നുന്ന ചിത്രത്തിന് പപ്പയുടെ ഡ്യൂട്ടികൾ എന്നാണ് അടിക്കുറിപ്പ് നൽകിയത്.
നവജാത ശിശുവിനായുള്ള കാജലിന്റെ വിശദമായ കുറിപ്പ് നേരത്തെ ആരാധകർ വൈറലാക്കിയിരുന്നു. "ശുദ്ധമായ സ്നേഹം" എന്താണ് അർത്ഥമാക്കുന്നത്, എങ്ങനെ ഒരു അമ്മയാകണം എന്ന് തന്റെ കുഞ്ഞ് ഇതിനകം തന്നെ പഠിപ്പിച്ചതിനെക്കുറിച്ചാണ് നടി കുറിച്ചിരുന്നത്.
"നീ എന്റെ ആദ്യത്തെ കുട്ടിയാണ്, എന്റെ ആദ്യത്തെ മകൻ, എന്റെ ആദ്യത്തെ എല്ലാം, ശരിക്കും. വരും വർഷങ്ങളിൽ, നിന്നെ പഠിപ്പിക്കാൻ ഞാൻ പരമാവധി ശ്രമിക്കും, പക്ഷേ നീ ഇതിനകം എന്നെ അനന്തമായ അളവിൽ പഠിപ്പിച്ചു- നടി പറഞ്ഞു.
ജോലിയിൽ നിന്ന് ഇടവേള എടുത്ത് കുടുംബത്തോടൊപ്പം ദുബായിലേക്ക് പോയ കാജൽ ബേബി ഷവർ അവിടെയാണ് നടത്തിയിരുന്നത്. തന്റെ ഗർഭകാല ജീവിതത്തെക്കുറിച്ചുള്ള മനോഹരമായ അപ്‌ഡേറ്റുകൾ പലപ്പോഴും നടി പങ്കുവെച്ചിരുന്നു. .
