നടിമാരായ മാധുരി ദീക്ഷിതും കരിഷ്മ കപൂറും സൗഹൃദം പ്രകടിപ്പിച്ച് ആശ്ലേഷിക്കുന്ന ചിത്രം സമൂഹ മാധ്യമങ്ങളില്‍ വൈറലായി. മേക്കപ്പ് മുറിയില്‍നിന്നുള്ളതാണെന്നു കരുതുന്ന മനോഹര ഫോട്ടോ കരിഷ്മയാണ് പങ്കുവെച്ചത്. എക്കാലത്തേയും പ്രിയപ്പെട്ട മാധുരി ദീക്ഷിതെന്നാണ് അടിക്കുറിപ്പ്. കണ്ണെടുക്കാന്‍ കഴിയുന്നില്ലെന്ന് ആരാധകരുടെ കമന്റ്.
ഷാരൂഖ് ഖാന്‍, കരിഷ്മ കപൂര്‍, മാധുരി ദീക്ഷിത് എന്നിവര്‍ അഭിനയിച്ച തൊണ്ണൂറുകളിലെ ഏറ്റവും മികച്ച സിനിമകളില്‍ ഒന്നായിരുന്നു ദില്‍ തോ പാഗല്‍ ഹേ. സിനിമയിലെ പാട്ടുകളായാലും രംഗങ്ങളായാലും സംഭാഷണങ്ങളായാലും എല്ലാത്തിനും ആരാധകരുടെ ഇടയില്‍ ഇപ്പോഴും സവിശേഷ സ്ഥാനമുണ്ട്. അതുകൊണ്ടുതന്നെയാണ് മാധുരിയുമൊത്തുള്ള ആലിംഗന ചിത്രം കരിഷ്മ ഇന്‍സ്റ്റഗ്രാം ഹാന്‍ഡിലില്‍ ഷെയര്‍ ചെയ്തയുടന്‍ ആരാധകര്‍ ഏറ്റുപിടിച്ചതും.
അടുത്തിടെ പുറത്തിറങ്ങിയ വെബ് സീരീസായ ദി ഫെയിം ഗെയിമിന്റെ വിജയത്തില്‍ മാധുരി ദീക്ഷിത് കുതിക്കുകയാണ്. റിലീസ് ചെയ്ത സമയം മുതല്‍ പ്രേക്ഷകരില്‍ നിന്ന് നല്ല പ്രതികരണമാണ് ഷോയ്ക്ക് ലഭിക്കുന്നത്. അനാമിക ആനന്ദ് എന്ന കഥാപാത്രത്തെയാണ് മാധുരി അവതരിപ്പിക്കുന്നത്. കരിഷ്മ സോഷ്യല്‍ മീഡിയയില്‍ സജീവമാണ്. ഈയിടെയാണ് കോവിഡില്‍നിന്ന് സുഖം പ്രാപിച്ചത്.
