ചെന്നൈ- മുഖ്യമന്ത്രി പിണറായി വിജയന്റെ പിറന്നാള്‍ ആശംസയ്ക്ക് നന്ദി പറഞ്ഞ് കമല്‍ഹാസന്‍. സിനിമയില്‍ പ്രധാനവേഷങ്ങള്‍ നല്‍കി തന്നെ വളര്‍ത്തിയത് കേരളമാണെന്നും മുഖ്യമന്ത്രിയെയും മലയാളികളെയും താന്‍ ആദരിക്കുന്നുവെന്നും കമല്‍ ഹാസന്‍ ട്വീറ്റില്‍ പറഞ്ഞു.
കമല്‍ ഹാസന്റെ 67ാം ജന്മദിനത്തിലാണ് മുഖ്യമന്ത്രി പിണറായി വിജയന്‍ ആശംസ ട്വീറ്റ് ചെയ്തത്. കേരളത്തിന്റെ എന്ത് ആവശ്യത്തിനും കമല്‍ ഹാസന്‍ കൂടെ നിന്നിട്ടുണ്ടെന്നും സിനിമാമേഖലയ്ക്കും, സംസ്‌കാരത്തിനും അദ്ദേഹം നല്‍കിയ വിലമതിക്കാനാകാത്ത സംഭാവനകളില്‍ അഭിമാനിക്കുന്നുവെന്നും ആശംസകള്‍ അറിയിച്ചുള്ള പോസ്റ്റില്‍ മുഖ്യമന്ത്രി പിണറായി വിജയന്‍ പറഞ്ഞിരുന്നു.
സിനിമയില്‍ പ്രധാനവേഷങ്ങള്‍ നല്‍കി എന്നെ വളര്‍ത്തിയ കേരളം എന്റെ ആദ്യ അഭയകേന്ദ്രമായിരുന്നു. അതുകൂടാതെ മലയാളികളെയും, അവരുടെ ധീരനും ദയാലുവുമായ നേതാവായിരിക്കുന്ന അങ്ങയെയും ഞാന്‍ ആദരിക്കുന്നു- കമല്‍ ഹാസന്‍ കുറിച്ചു.
