ന്യൂദൽഹി- ഇന്ത്യയിലേക്ക് വിനോദ സഞ്ചാരികളെ ആകർഷിക്കാൻ പുതിയ നീക്കവുമായി കേന്ദ്ര സർക്കാർ. ചാർട്ടേഡ് വിമാനത്തിൽ എത്തുന്ന വിനോദ സഞ്ചാരികൾക്ക് ടൂറിസ്റ്റ് വിസ അനുവദിക്കാൻ കേന്ദ്ര സർക്കാർ തീരുമാനിച്ചു. വിദേശകാര്യമന്ത്രാലയമാണ് ഇക്കാര്യം വ്യക്തമാക്കിയത്. അടുത്ത മാസം 15 മുതലാണ് വിനോദസഞ്ചാരികളെ അനുവദിക്കുക. വിസ ഈ മാസം മുതൽ അനുവദിക്കും. ഇന്ത്യയിലേക്കുള്ള വിനോദ സഞ്ചാരികൾക്ക് ഒരു വർഷം മുമ്പാണ് കോവിഡ് കാരണം വിലക്ക് ഏർപ്പെടുത്തിയത്.
