കൊച്ചി- വിജയം കണ്ട നിരവധി ചിത്രങ്ങള്ക്ക് ശേഷം മോഹന്ലാലും ഷാജി കൈലാസും ഒന്നിക്കുന്നു. പന്ത്രണ്ട് വര്ഷത്തെ ഇടവേളക്ക് ശേഷമാണ് രണ്ടാം വരവ്. മോഹന്ലാല് തന്നെയാണ് ഈ വിവരം സമൂഹമാധ്യമങ്ങളിലൂടെ പങ്കുവച്ചത്. സിനിമയുടെ ചിത്രീകരണം ഒക്ടോബറില് ആരംഭിക്കുമെന്നും മോഹന്ലാല് വ്യക്തമാക്കി.
രാജേഷ് ജയറാം തിരക്കഥ രചിക്കും. ആശിര്വാദ് സിനിമാസിന്റെ ബാനറില് ആന്റണി പെരുമ്പാവൂരാണ് ചിത്രം നിര്മിക്കുന്നത്. 2009 ല് പുറത്തിറങ്ങിയ റെഡ് ചില്ലീസാണ് ഷാജി കൈലാസിന്റെ സംവിധാനത്തില് ഒടുവില് പുറത്തിറങ്ങിയ മോഹന്ലാല് ചിത്രം.
1997 ല് പുറത്തിറങ്ങിയ ആറാം തമ്പുരാനിലാണ് മോഹന്ലാലും ഷാജി കൈലാസും ആദ്യമായി ഒന്നിച്ചത്. ഈ ചിത്രം ഗംഭീര വിജയമായിരുന്നു. 2000 ല് പുറത്തിറങ്ങിയ നരസിംഹത്തിലും വിജയം ആവര്ത്തിച്ചു. താണ്ഡവം, നാട്ടുരാജാവ്, ബാബാ കല്യാണി തുടങ്ങിയവയാണ് മറ്റു ചിത്രങ്ങള്.
