മംഗളൂരു - കർണാടകയിൽ കേന്ദ്രമന്ത്രി പങ്കെടുത്ത ഘോഷയാത്രക്കിടെ പാർട്ടി പതാക കെട്ടിയ തോക്ക്‌ കൊണ്ട്‌ ആകാശത്തേക്ക് വെടിവെച്ച നാല് ബിജെപി പ്രവർത്തകർ അറസ്‌റ്റിൽ. യദഗീർ ജില്ലയിലെ ശരണപ്പ, ലിംഗപ്പ, ദേവപ്പ, നഞ്ചപ്പ എന്നിവരാണ്‌ അറസ്‌റ്റിലായത്‌.
ബിജെപി രാജ്യത്തുടനീളം നടത്തുന്ന ജൻ ആശിർവാദ് യാത്രയുടെ ഭാഗമായി കേന്ദ്ര രാസവസ്‌തു സഹമന്ത്രി ഭഗവന്ത്‌ ഗുബ , മുൻമന്ത്രിമാരായ രാജു ഗൗഡ, ബാബബു റാവു ചിൻഞ്ചൻസൂർ ,വെങ്കട്ട്‌റെഡ്ഡി മുദ്‌നാൽ എംഎൽഎ എന്നിവരുൾപ്പെടെ നടത്തിയ പരിപാടിക്കിടെയായിരുന്നു വെടിവെപ്പ്‌.
പുതുതായി ചുമതലയേറ്റ കേന്ദ്ര മന്ത്രിമാർ ജനങ്ങളുടെ ആശീർവാദം തേടാനും നരേന്ദ്ര മോഡി സർക്കാർ നടത്തിയ പ്രവർത്തനങ്ങൾ വിശദീകരിക്കാനുമാണ് അതാത് സംസ്ഥാനങ്ങളിൽ 'ജൻ ആശിർവാദ് യാത്ര'.
