ചെന്നൈ-ഏഷ്യാനെറ്റില്‍ സംപ്രേഷണം ചെയ്തു വന്ന റിയാലിറ്റി ഷോയായ ബിഗ് ബോസ് സീസണ്‍ 3 ഷൂട്ടിങ് നിര്‍ത്തിവെപ്പിച്ചു. കോവിഡ് സാഹചര്യത്തില്‍ തമിഴ്‌നാട് ആരോഗ്യവകുപ്പിന്റേതാണ് നടപടി. പരിപാടി നിര്‍ത്തി വെ്ക്കാനുള്ള അധിക്യതരുടെ നിര്‍ദ്ദേശം പാലിക്കാതെ വന്നതിനേത്തുടര്‍ന്നാണ് നടപടി. ചിത്രീകരണം നടന്ന ഇവിപി ഫിലിം സിറ്റിയില്‍ നിന്ന് മത്സരാര്‍ത്ഥികളെ ഹോട്ടലിലേക്ക് മാറ്റി. ഇവിപി ഫിലിം സിറ്റിയില്‍ ആരോഗ്യവകുപ്പും പോലീസും പരിശോധന നടത്തിയിരുന്നു.
മലയാളത്തില്‍ ഏറ്റവും ജനപ്രീതിയാര്‍ജിച്ച റിയാലിറ്റി ഷോയാണ് ബിഗ് ബോസ്. നോബി, ഡിംപല്‍, കിടിലം ഫിറോസ്, മണിക്കുട്ടന്‍, മജ്‌സിയ ബാനു, സൂര്യ ജെ മേനോന്‍, ലക്ഷ്!മി ജയന്‍, സായ് വിഷ്ണു, അനൂപ് കൃഷ്ണന്‍, അഡോണി ടി ജോണ്‍, റംസാന്‍ മുഹമ്മദ്, റിതു മന്ത്ര, സന്ധ്യാ മനോജ്, ഭാഗ്യലക്ഷ്മി എന്നിവരായിരുന്നു തുടക്കത്തില്‍ ബിഗ് ബോസില്‍ മത്സാര്‍ഥികളായി എത്തിയത്. വൈല്‍ഡ് എന്‍ട്രിയായി ഫിറോസ് സജ്‌ന ദമ്പതിമാരും, മിഷേലും രമ്യാ പണിക്കരുമെത്തി. ബിഗ് ബോസിലെ നിയമം തെറ്റിച്ചതിന്റെ പേരില്‍ ഫിറോസ് സജ്‌ന ദമ്പതിമാരെ പുറത്താക്കിയിരുന്നു. കിടിലന്‍ ഫിറോസ്, റിതു മന്ത്ര, സായ് വിഷ്ണു, റംസാന്‍, മണിക്കുട്ടന്‍, നോബി, ഡിംപല്‍, അനൂപ് കൃഷ്!ണന്‍ എന്നിവരാണ് ഏറ്റവുമൊടുവില്‍ ബിഗ് ബോസില്‍ ഉണ്ടായിരുന്നത്. കോവിഡിന്റെ വ്യാപനം മൂലം ലോക്ക്ഡൗണ്‍ പ്രഖാപിച്ച സാഹചര്യത്തില്‍ താല്‍കാലികമായി നിര്‍ത്തിവെ്ക്കുന്നുവെന്നും പ്രതിസന്ധി മാറിയാല്‍ ഉടന്‍തന്നെ ബിഗ് ബോസിന്റെ സംപ്രേഷണം പുന:രാരംഭിക്കുന്നതായിരിക്കുമെന്നാണ് ഏഷ്യാനെറ്റ് അധികൃതര്‍ അറിയിച്ചിരിക്കുന്നത്‌
