ന്യൂദല്ഹി- കാര്ഷിക നിയമങ്ങള്ക്കെതിരെ പ്രക്ഷോഭം നയിക്കുന്ന കര്ഷരുമായി കേന്ദ്ര സര്ക്കാര് നടത്തി വരുന്ന ചര്ച്ചയ്ക്കിടെ വിളമ്പിയ ഉച്ചഭക്ഷണവും ചായയും കര്ഷകര് നിരസിച്ചു. 'ഞങ്ങള്ക്ക് കഴിക്കാനുള്ളത് സ്വന്തമായി കൊണ്ടു വന്നിട്ടുണ്ട്. സര്ക്കാരിന്റെ ചായയും ഭക്ഷണവും വേണ്ട,' കര്ഷക നേതാക്കള് പറഞ്ഞു. ഉച്ചഭക്ഷണ സമയത്ത് കര്ഷകര് പാചകം ചെയ്തു കൊണ്ടു വന്ന ഭക്ഷണം വീതംവെച്ച് കഴിക്കുന്ന വിഡിയോയും എഎന്ഐ ട്വിറ്ററില് പങ്കുവെച്ചു.
ദല്ഹിയിലെ വിജ്ഞാന് ഭവനിലാണ് ചര്ച്ച നടക്കുന്നത്. ഭക്ഷണ സമയത്ത് പുറത്ത് വാനില് എത്തിച്ച ലംഗാര് (സാമൂഹിക അടുക്കളയില് ഉണ്ടാക്കിയ ഭക്ഷണം) ഭക്ഷണ ഹാളിലെത്തിക്കുകയായിരുന്നു. കര്ഷകര് നേതാക്കള് ഇതു പങ്കിട്ടെടുത്ത് കഴിച്ചു. ചില നേതാക്കള് തറയിലിരുന്നും ഭക്ഷണം കഴിച്ചു.
#WATCH | Delhi: Farmer leaders have food during the lunch break at Vigyan Bhawan where the talk with the government is underway. A farmer leader says, "We are not accepting food or tea offered by the government. We have brought our own food". pic.twitter.com/wYEibNwDlX
— ANI (@ANI) December 3, 2020
