കൊച്ചി-മലയാളത്തിന്റെ പ്രിയതാരം സൗബിൻ ഷാഹിറിന് ഇന്ന് പിറന്നാൾ. ചുരുങ്ങിയ കാലം കൊണ്ട് തന്നെ മലയാളി സിനിമ പ്രേമികൾക്ക് പ്രിയങ്കരനായി മാറിയ താരമാണ് സൗബിൻ. അസിസ്റ്റന്റ് ഡയറക്ടർ ആയി മലയാള സിനിമയിലേക്ക് ചുവടുവച്ച് സൗബിൻ രാജീവ് രവി ചിത്രം അന്നയും റസൂലിലൂടെയാണ് അഭിനയരംഗത്തേക്ക് കടന്നു വരുന്നത്.പിന്നീട് ചെറുതും വലുതുമായ നിരവധി കഥാപാത്രങ്ങൾ സൗബിന്റെതായി പിറവിയെടുത്തു. മഹേഷിന്റെ പ്രതികാരം. പ്രേമം എന്നീ ചിത്രങ്ങളിലെ കഥാപാത്രങ്ങൾ സൗബിന് കൂടുതൽ ജനപ്രിയമായി മാറ്റുന്നതിൽ പ്രധാന പങ്കുവഹിച്ചിട്ടുണ്ട്.
കഴിഞ്ഞ വർഷം സൗബിന്റേതായി പുറത്തിറങ്ങിയ ഒട്ടുമിക്ക ചിത്രങ്ങളും തിയേറ്ററിൽ വൻവിജയമായി മാറിയിരുന്നു. കുമ്പളങ്ങി നൈറ്റ്‌സ് എന്ന ചിത്രത്തിലെ സജി എന്ന കഥാപാത്രം സൗബിന് ഏറെ നിരൂപക പ്രശംസയും പ്രേക്ഷകരുടെ കയ്യടിയും നേടികൊടുത്തു.സൂപ്പർ ഹിറ്റ് ഡയറക്ടർ ഭദ്രൻ ഒരുക്കുന്ന ജൂതൻ, സിദ്ധാർഥ് ഭരതൻ സംവിധാനം ചെയ്യുന്ന ജിന്ന്, ഒടിടി പ്ലാറ്റ്‌ഫോമിൽ ഒരുങ്ങുന്ന ഇരുൾ എന്നിവയാണ് സൗബിന്റെതായി അണിയറയിൽ ഒരുങ്ങുന്ന ചിത്രങ്ങൾ.
