മുംബൈ- റിലയന്‍സ് ജിയോ ഉപഭോക്താക്കള്‍ക്കായി പുതിയ പദ്ധതി അവതരിപ്പിച്ചു. 399 രൂപയുടെ പ്രീപെയ്ഡ് ഉപഭോക്താക്കള്‍ക്ക് ഡിസ്‌നി പ്ലസ് ഹോട്ട്‌സ്റ്റാര്‍ വിഐപി സബ്‌സ്്ക്രിപ്ഷന്‍ ഒരു വര്‍ഷത്തേക്ക് സൗജന്യമായി നല്‍കുന്ന പുത്തന്‍ പാക്കേജാണ് അവതരിപ്പിചിച്ചിരിക്കുന്നത. പ്രീപെയ്ഡ് ഉപഭോക്താക്കള്‍ക്കാണ് ഈ ആനുകൂല്യം ലഭിക്കുക. ആഡ് ഓണ്‍ ഡാറ്റാ പാക്കുകള്‍ ഉള്‍പ്പെടെ വ്യത്യസ്ത പ്രീപെയ്ഡ് പ്ലാനുകളിലൂടെയാണ് സബ്‌സ്‌ക്രിപ്ഷന്‍ വാഗ്ദാനം ചെയ്യുന്നത്. പുതിയതും നിലവിലുള്ളതുമായ ഉപയോക്താക്കള്‍ക്കും ഈ സ്‌കീം ലഭ്യമാണ്.
ജിയോ പ്രീപെയ്ഡ് ഉപയോക്താക്കള്‍ക്ക് കോംപ്ലിമെന്ററി സബ്‌സ്‌ക്രിപ്ഷന്‍ എങ്ങനെ നേടാം
പ്രതിമാസ പാക്കേജ്: ഉപഭോക്താക്കള്‍ക്ക് 401 രൂപയ്ക്ക് പ്രതിമാസ പ്ലാനില്‍ ഡിസ്‌നി പ്ലസും ഹോട്ട്‌സ്റ്റാര്‍ വിഐപിയും ഒരു വര്‍ഷത്തേക്ക് സൗജന്യമായി ലഭിക്കും. പ്ലാനില്‍ 90ജിബിയുടെ ഡാറ്റാ ഓഫറും അണ്‍ലിമിറ്റഡ് വോയിസ് കോളും ജിയോ ആപ്ലിക്കേഷന്‍ ഉപയോഗിക്കാനും സാധിക്കും. 28 ദിവസമാണ് കാലാവധി.
വാര്‍ഷിക പാക്കേജ്:2599 രൂപയുടെ വാര്‍ഷിക പാക്കേജാണ് എടുക്കുന്നതെങ്കില്‍ ഡിസ്‌നി പ്ലസും ഹോട്ട്‌സ്റ്റാര്‍ വിഐപി സബ്‌സ്‌ക്രിപ്ഷനും ഒരു വര്‍ഷത്തേക്ക് ലഭിക്കും. 740 ജിബി ഡാറ്റയും അണ്‍ലിമിറ്റഡ് വോയിസ് കോളും ജിയോ ആപ്പും ഒരു വര്‍ഷത്തേക്കാണ് ലഭിക്കുക.
