ന്യൂദൽഹി- ലോകപ്രശസ്തമായ റിച്ചാർഡ് ഡോകിൻസ് അവാർഡ് ഗാനരചയിതാവും തിരക്കഥകൃത്തുമായ ജാവേദ് അക്തറിന്. വിമർശനാത്മക ചിന്തക്കും മാനുഷിക പുരോഗതി ലക്ഷ്യമിട്ടുള്ള പ്രവർത്തനങ്ങളെയും മാനവിക മൂല്യങ്ങൾ ഉയർത്തിപ്പിടിച്ചുള്ള പ്രവർത്തനങ്ങളെയും മാനിച്ചാണ് പുരസ്‌കാരം. ഈ ബഹുമതി ലഭിക്കുന്ന ഏക ഇന്ത്യക്കാരനാണ് അക്തർ. ബിൽ മഹേർ, ക്രിസ്റ്റഫർ ഹിച്ചൻസ് എന്നിവർക്കായിരുന്നു മുൻവർഷത്തെ അവാർഡ്. സി.എ.എ, തബ്്‌ലീഗ് ജമാഅത്ത്, ഇസ്ലാമോഫോബിയ എന്നീ വിഷയങ്ങളിൽ കേന്ദ്ര സർക്കാറിനെതിരെ കനത്ത വിമർശനമാണ് ജാവേദ് അക്തർ ഉയർത്തിയിരുന്നത്. എത്തിസ്റ്റ് അലയൻസ് ഓഫ് അമേരിക്കയാണ് എല്ലാവർഷവും ഈ അവാർഡ് സമ്മാനിക്കുന്നത്.
