ചെന്നൈ- നടി ജയഭാരതിയുടെയും അന്തരിച്ച നടന്‍ സത്താറിന്റയും മകനും നടനുമായ കൃഷ് ജെ സത്താര്‍ വിവാഹിതനായി. സോനാലി നബീല്‍ ആണ് വധു. ചെന്നൈ എ.ടിസി ഗ്രാന്റില്‍ വെച്ചായിരുന്നു വിവാഹം. മമ്മൂട്ടി, സുരേഷ് ഗോപി, ഖുശ്ബു, സുരേഷ് കുമാര്‍, വിധുബാല, കെ.പിഎ.സി ലളിത തുടങ്ങിയ പ്രമുഖര്‍ ചടങ്ങില്‍ പങ്കെടുത്തു. ബന്ധുക്കള്‍ക്കും സുഹൃത്തുക്കള്‍ക്കുമായി ചെന്നൈയിലെ സ്വകാര്യ ഹോട്ടലില്‍ വിവാഹസല്‍ക്കാരം നടക്കും. മോഹന്‍ലാല്‍ നായകനായെത്തിയ സിദ്ദിഖ് ചിത്രം 'ലേഡീസ് ആന്‍ഡ് ജെന്റില്‍മാന്‍' ലൂടെയാണ് കൃഷ് അഭിനയരംഗത്തേക്ക് എത്തുന്നത്. മംമ്തയുടെ നായകനായി 'ടു നൂറാ വിത്ത് ലവി'ലും '22 ഫീമെയ്ല്‍ കോട്ടയം' എന്ന ചിത്രത്തിന്റെ തമിഴ് പതിപ്പ് 'മാലിനി 22 പാളയംകോട്ടൈ'യിലും ഇതിന്റെ തെലുങ്ക് പതിപ്പായ 'ഘട്ടാന'യിലും കൃഷ് അഭിനയിച്ചു. അതിനുശേഷം സിനിമാമേഖലയില്‍ നിന്നും കൃഷ് മാറിനില്‍ക്കുകയായിരുന്നു. ലണ്ടനില്‍ കോക്ടെയ്ല്‍ ബാര്‍ റെസ്‌റ്റോറന്റ് നടത്തുകയാണ് കൃഷ് ഇപ്പോള്‍.
