മുംബൈ- സഹോദരിയുടെ നഗ്‌നദൃശ്യങ്ങള്‍ കാമുകന് കാണിച്ച യുവതി അറസ്റ്റില്‍. മുംബൈ അഗ്രിപ്പാഡ പോലീസാണ് യുവതിയെ അറസ്റ്റ് ചെയ്തത്. ഒളിവില്‍ പോയ കാമുകന് വേണ്ടി പോലീസ് അന്വേഷണം തുടരുകയാണ്.
സഹോദരിക്കും കാമുകന് ദിനേശ് മരയ്യക്കുമെതിരെ 20 കാരിയാണ് പോലീസിനെ സമീപിച്ചത്. പെണ്‍കുട്ടി കുളിക്കുന്ന ദൃശ്യങ്ങള്‍ സഹോദരി മൊബൈലില്‍ പകര്‍ത്തുകയും കാമുകനെ കാണിക്കുകയുമായിരുന്നു. വിഡിയോ കോള്‍ ചെയ്യുന്നതിനിടെയാണ് ദൃശ്യങ്ങള്‍ കാണിച്ചത്.
സഹോദരിയുടെ നഗ്‌നചിത്രങ്ങളെടുത്ത് അയച്ചു തരണമെണെന്ന് ദിനേശ് യുവതിയോട് ആവശ്യപ്പെട്ടിരുന്നു. എങ്കില്‍ മാത്രമേ വിവാഹം ചെയ്യുകയുള്ളൂവെന്നാണ് ഭാര്യയും മൂന്ന് മക്കളുമുള്ള ഇയാള്‍ പറഞ്ഞിരുന്നത്.
വീഡിയോ കിട്ടിയ ഉടന്‍ സ്‌ക്രീന്‍ ഷോട്ടുകളെടുത്ത യുവാവ് അതു പെണ്‍കുട്ടിയുടെ ബന്ധുക്കള്‍ ഉള്‍പ്പെടെയുള്ളവര്‍ക്ക് അയച്ചു കൊടുത്തു.
പെണ്‍കുട്ടിയോടുള്ള പ്രതികാരത്തിന്റെ ഭാഗമായാണു നഗ്‌നചിത്രം പ്രചരിപ്പിച്ചതെന്ന് പോലീസ് പറയുന്നു.
നവരാത്രി ആഘോഷങ്ങള്‍ക്കിടെ പെണ്‍കുട്ടിയും ദിനേശുമായി വാക്കേറ്റമുണ്ടായിരുന്നു. തുടര്‍ന്നാണു ഇയാള്‍ യുവതിയെ സ്വാധീനിച്ച് ഇത്തരമൊരു നീക്കം നടത്തിയത്. ബൈക്കുളയില്‍ തന്നെ താമസിക്കുന്ന ദിനേശിന് ഭാര്യയും മൂന്നു മക്കളുമുണ്ട്. ഇയാളുമായുള്ള ബന്ധത്തില്‍ യുവതിയുടെ അമ്മയ്ക്കും എതിര്‍പ്പുണ്ടായിരുന്നു.
മൊബൈലില്‍ ചിത്രങ്ങള്‍ കണ്ട ദിനേശിന്റെ ഭാര്യയും ഇക്കാര്യം പെണ്‍കുട്ടിയുടെ വീട്ടുകാരെ അറിയിച്ചിരുന്നു. വീഡിയോ കോള്‍ ദൃശ്യങ്ങളാണെന്നാണ് പറഞ്ഞത്. തുടര്‍ന്നു വീട്ടുകാര്‍ ചോദ്യം ചെയ്തപ്പോഴാണു യുവതി സത്യം വെളിപ്പെടുത്തി.
