ന്യൂദല്‍ഹി-പുല്‍വാമ ആക്രമണത്തില്‍ പാക്കിസ്ഥാന് ഇന്ത്യ ശക്തമായ തിരിച്ചടി നല്‍കിയതിന് പിന്നാലെ ഇരു രാജ്യങ്ങളോടും സംയമനം പാലിക്കണമെന്നാവശ്യപ്പെട്ട് ചൈന രംഗത്ത്. നിയന്ത്രണം പാലിച്ച്, ഇരു രാജ്യങ്ങളും തമ്മിലുള്ള ബന്ധം മെച്ചപ്പെടുത്തണമെന്നും ചൈന ആവശ്യപ്പെട്ടു.
അതേസമയം ഇന്ന് പാക്കിസ്ഥാനില്‍ ആക്രമണം നടത്താനുണ്ടായ കാരണത്തെക്കുറിച്ച് ഇന്ത്യ ചൈനയുള്‍പ്പടെയുള്ള രാജ്യങ്ങളുടെ പ്രതിനിധികളെ കണ്ട് വിശദീകരണം നല്‍കി. എന്ത് സാഹചര്യത്തിലാണ് ഇത്തരമൊരു ആക്രമണം നടത്തിയതെന്നാണ് ഇന്ത്യ വിശദീകരണം നല്‍കിയത്. അമേരിക്കയുള്‍പ്പടെയുള്ള രാജ്യങ്ങള്‍ക്കും ഇന്ത്യ വിശദീകരണം നല്‍കിയിട്ടുണ്ട്.
