തിരുവനന്തപുരം-സാഹിത്യ അക്കാദമി അധ്യക്ഷനും എഴുത്തുകാരനുമായ കെ.സച്ചിദാന്ദനും ഗാനരചയിതാവ് ശ്രീകുമാരന് തമ്പിയും തമ്മില് വാക്പോര് തുടരുന്നു. ത്യാഗത്തിന്റെയും സഹനത്തിന്റെയും പ്രതീകമാകാന് യേശുക്രിസ്തുവിനു ശേഷം ആര് എന്ന ചോദ്യത്തിന് ഉത്തരം കിട്ടിയിരിക്കുന്നു. സച്ചിദാനന്ദന് മഹത് പ്രവൃത്തികള്ക്ക് ഉത്തരമാതൃകയെന്നും താന് വെറും ക്ലീഷേയെന്നും ശ്രീകുമാരന് തമ്പി ഫേസ് ബുക്കില് കുറിച്ചു.
സാഹിത്യ അക്കാദമിയുമായി ബന്ധപ്പെട്ട് ബാലചന്ദ്രന് ചുള്ളിക്കാടും ശ്രീകുമാരന് തമ്പിയും ഉയര്ത്തിയ വിവാദങ്ങളുടെ ഉത്തരവാദിത്തം ഏറ്റെടുത്ത് സച്ചിദാനന്ദന് ഇന്ന് സമൂഹ മാധ്യമത്തില് കുറിപ്പ് പങ്കുവച്ചിരുന്നു. അതിന് മറുപടിയായാണ് ശ്രീകുമാരന് തമ്പിയുടെ പോസ്റ്റ്. മറ്റുള്ളവരുടെ തെറ്റുകള് ഏറ്റെടുത്ത് കുരിശിലേറുന്നത് മഹത്പ്രവൃത്തിയാണെന്നാണ് സച്ചിദാനന്ദന് കുറിച്ചത്. തനിക്കു പങ്കില്ലാത്ത പ്രവൃത്തിയുടെ കുരിശ് ഏറ്റെടുക്കുന്നതായും സച്ചിദാനന്ദന് പങ്കുവെച്ച കുറിപ്പില് പറയുന്നു.
ശ്രീകുമാരന് തമ്പിയുടെ കുറിപ്പ്
ത്യാഗത്തിന്റെയും സഹനത്തിന്റെയും പ്രതീകമാകാന് യേശുക്രിസ്തുവിനു ശേഷം ആര് ? എന്ന ചോദ്യത്തിന് ഉത്തരം കിട്ടിയിരിക്കുന്നു. 'മഹത് പ്രവൃത്തി'കള്ക്ക് ഉത്തമമാതൃക! തല്ക്കാലം അദ്ദേഹം കേരളസാഹിത്യ അക്കാദമിയില് അധ്യക്ഷസ്ഥാനത്തിരുന്ന് തന്റെ ത്യാഗം തുടരുന്നു. ഞാനോ വെറുമൊരു പാമരനാം പാട്ടെഴുത്തുകാരന്! ഒറ്റവാക്കില് പറഞ്ഞാല് 'കഌഷേ'
പക്ഷേ, ഒരാശ്വാസമുണ്ട്. മഹാനായ തുഞ്ചത്ത് രാമാനുജന് എഴുത്തച്ഛനും പാട്ടെഴുത്തുകാരനായിരുന്നു. അദ്ദേഹത്തിന്റെ പ്രധാനകൃതിയുടെ പേര് ''അദ്ധ്യാത്മരാമായണം കിളിപ്പാട്ട്'' എന്നാണല്ലോ..
മറ്റുള്ളവരുടെ തെറ്റുകള്, അഥവാ തെറ്റുകള് എന്ന് വിലയിരുത്തപ്പെടുന്നവ ഏറ്റെടുത്ത് കുരിശില് ഏറുക ഒരു മഹത്പ്രവൃത്തിയാണ്.
സച്ചിദാന്ദന്റെ കുറിപ്പ്
മറ്റുള്ളവരുടെ തെറ്റുകള്, അഥവാ തെറ്റുകള് എന്ന് വിലയിരുത്തപ്പെടുന്നവ ഏറ്റെടുത്ത് കുരിശില് ഏറുക ഒരു മഹത്പ്രവൃത്തിയാണ്. നിയമം യാന്ത്രികമായി അനുസരിച്ച ഒരു പാവം ഓഫീസ് ജീവനക്കാരിയുടെതായാലും, പ്രശസ്തനായ ഒരു പാട്ടെഴുത്തുകാരനോട് ഒരു ഗാനം ഒരു ഉദ്യോഗസ്ഥന് വഴി ആവശ്യപ്പെടുകയും അത് സകാരണം തിരസ്കരിക്കുകയും ചെയ്ത ഒരു ഉദ്യോഗസ്ഥ യുടേതായാലും. ഞാന് തികഞ്ഞ നിസ്സംഗതയോടെ എനിക്ക് പങ്കില്ലാത്ത ഈ പ്രവൃത്തികളുടെ കുരിശ് ഏറ്റെടുക്കുന്നു. സെന് ബുദ്ധിസം എന്നെ പഠിപ്പിച്ചത് അതാണ്, ബൈബിളും.