ചെന്നൈ -വന്ദേഭാരത് ട്രെയിനിന് നേരെ വീണ്ടുമുണ്ടായ കല്ലേറില് ട്രെയിനിന്റെ ഒന്പത് കോച്ചുകളുടെ ജനല് ചില്ലുകള് തകര്ന്നു. ചെന്നൈ - തിരുനെല്വേലി വന്ദേഭാരത് എക്സ്പ്രസിന് നേരെയാണ് ആക്രമണം നടന്നത്. കഴിഞ്ഞ ദിവസം രാത്രി 10:30ന് തിരുനെല്വേലി വാഞ്ചി മണിയാച്ചിയില് വച്ചാണ് കല്ലേറുണ്ടായത്. ആരാണ് കല്ലേറ് നടത്തിയതെന്ന്് വ്യക്തമായിട്ടില്ല. സംഭവത്തില് റെയില്വേ പോലീസ് അന്വേഷണം ആരംഭിച്ചു.
