മുംബൈ - മുകേഷ് അംബാനിയുടെ ഉടമസ്ഥതയിലുള്ള റിലയന്‍സ് ഇന്‍ഡസ്ട്രീസിന്, ലോകത്തിലെ ഏറ്റവും വലിയ പെട്രോളിയം റിഫൈനറി അല്ലെങ്കില്‍ ലോകത്തിലെ ഏറ്റവും വലിയ പെട്രോകെമിക്കല്‍ കോംപ്ലക്‌സ് പ്രവര്‍ത്തിപ്പിക്കുന്നതില്‍ നിരവധി റെക്കോര്‍ഡുകള്‍ സൃഷ്ടിച്ചതിന്റെ നീണ്ട ചരിത്രമുണ്ട്. ഇത്തവണ, റിലയന്‍സ് ഇന്‍ഡസ്ട്രീസിന്റെ ഓഹരികളുടെ വില തിങ്കളാഴ്ച റെക്കോര്‍ഡ് ഉയരത്തിലെത്തി, വിപണി മൂലധനത്തില്‍ 19 ലക്ഷം കോടി കടന്നു. ബി.എസ്.ഇയില്‍ ലിസ്റ്റ് ചെയ്തിട്ടുള്ള കമ്പനികളുടെ വിപണി മൂലധനവും ഏകദേശം 6.06 ലക്ഷം കോടി രൂപ വര്‍ദ്ധിച്ചു, അതായത് റിലയന്‍സിന്റെ വിപണി മൂലധനം ഒറ്റ ദിവസം കൊണ്ട് 1.20 ലക്ഷം കോടി രൂപ (1020000000000 രൂപ) വര്‍ധിച്ചു.
തിങ്കളാഴ്ച, ഓഹരി വിപണിയില്‍ ഗണ്യമായ വര്‍ധനവ് അനുഭവപ്പെട്ടു. റിലയന്‍സ് ഇന്‍ഡസ്ട്രീസ് (ആര്‍ഐഎല്‍) ഓഹരികള്‍ കുതിച്ചുയര്‍ന്ന് കമ്പനിയുടെ വിപണി മൂലധനം 19 ലക്ഷം കോടി രൂപയില്‍ കൂടുതലായി, വിപണി ക്ലോസ് ചെയ്യുമ്പോള്‍ എക്കാലത്തെയും ഉയര്‍ന്ന നിരക്കിലെത്തി, ഏഴ് ശതമാനത്തിലധികം നേട്ടം.
ഒരൊറ്റ സെഷനില്‍, റിലയന്‍സിന്റെ വിപണി മൂലധനം 1.20 ലക്ഷം കോടി രൂപ വര്‍ധിക്കുന്നത് ആദ്യമായാണ്. കഴിഞ്ഞ മൂന്ന് വര്‍ഷത്തിനിടയിലെ റിലയന്‍സ് ഇന്‍ഡസ്ട്രീസിലെ ഏറ്റവും വലിയ റാലിയാണിത്. തിങ്കളാഴ്ച ബിഎസ്ഇയില്‍ റിലയന്‍സ് ഓഹരികള്‍ എക്കാലത്തെയും ഉയര്‍ന്ന നിരക്കായ 2,905 രൂപയിലെത്തി, ഉച്ചകഴിഞ്ഞ് 3:30 ന് 2,890 രൂപയില്‍ ക്ലോസ് ചെയ്തു. കഴിഞ്ഞ മൂന്ന് ട്രേഡിംഗ് സെഷനുകളില്‍ സ്‌റ്റോക്ക് 9 ശതമാനം വര്‍ധിച്ചപ്പോള്‍, 2024 ജനുവരിയില്‍ ആര്‍.ഐ.എല്‍ ഓഹരികള്‍ 12 ശതമാനം ഉയര്‍ന്നു.
ഇന്ത്യന്‍ ഓഹരി വിപണി ഈ മാസമാദ്യം രണ്ട് വലിയ തകര്‍ച്ചകള്‍ കണ്ടിരുന്നു, ഓരോ തവണയും 1000 പോയിന്റില്‍ കൂടുതല്‍ ഇടിഞ്ഞു. റിലയന്‍സ് ഇന്‍ഡസ്ട്രീസ് ആണ് ഇന്നത്തെ വിപണിയുടെ തിരിച്ചുവരവിന് പ്രധാന ഘടകങ്ങളിലൊന്ന്.
