ന്യൂദല്‍ഹി- കാമുകന്റെ ഷൂവില്‍ കോള ഒഴിച്ച് കുടിക്കുന്ന കമിതാക്കളുടെ വീഡിയോ സോഷ്യല്‍ മീഡിയയില്‍ ചര്‍ച്ചയായി. ദല്‍ഹി മെട്രോയില്‍ ചിത്രീകരിച്ച വീഡിയോയാണ് പ്രചരിക്കുന്നത്. മെട്രോയില്‍ യാത്ര ചെയ്യുന്ന ഒരു യുവാവും യുവതിയുമാണ് വീഡിയോയില്‍ ഉള്ളത്. ഇരുവരും കാമുകീ കാമുകന്മാരാണ് എന്നാണ് കരുതപ്പെടുന്നത്.
വീഡിയോ തുടങ്ങുമ്പോള്‍ തന്നെ യുവാവിന്റെ കൈയില്‍ ഷൂ കാണാം. ഒരു ഷൂ യുവാവിന്റെ കാലിലും. പിന്നാലെ കൈയിലുണ്ടായിരുന്ന ഷൂവിലേക്ക് കാമുകി കോള ഒഴിക്കുന്നു. ഇതിനുശേഷം സ്‌ട്രോ ഇട്ട് ആദ്യം യുവാവും പിന്നാലെ യുവതിയും കുടിക്കുന്നു.
ഷൂവിനകത്ത് ഗ്ലാസോ കപ്പോ വച്ചിട്ടുണ്ടോയെന്ന് വ്യക്തമല്ല.
എന്തായാലും കണ്ടാല്‍ അറപ്പ് തോന്നുന്ന പ്രവൃത്തിയാണ് ഇരുവരും ചെയ്യുന്നതെന്നാണ് സോഷ്യല്‍ മീഡിയയില്‍ ആളുകളുടെ കമന്റ്. രോഷത്തോടെയാളുകളുടെ പ്രതികരണം. എങ്ങനെയുള്ള മനുഷ്യരാണ് ദല്‍ഹി മെട്രോയില്‍ കയറുന്നതെന്നും പരിധികളെല്ലാം ലംഘിക്കുകയാണെന്നും ആളുകള്‍ പറയുന്നു.
ഇത്തരത്തിലുള്ള വൃത്തികെട്ട രംഗങ്ങള്‍ മെട്രോയില്‍ അരങ്ങേറുന്നത് ആദ്യമല്ല. നേരത്തെ ഒരു കാമുകനും കാമുകിയും വായില്‍ നിന്നും വായിലേക്ക് വെള്ളം നല്‍കുന്ന ദൃശ്യങ്ങള്‍ വൈറലായിരുന്നു.
Relaxo की #DelhiMetro pic.twitter.com/NUCfNN4AiP
— Sachin Gupta (@SachinGuptaUP) January 3, 2024
