സിംഗപ്പൂര്‍- കോവിഡ് കേസുകള്‍ വീണ്ടും ഉയരുന്ന സാഹചര്യത്തില്‍ വിമാനത്താവളങ്ങളില്‍ മാസ്‌ക് നിര്‍ബന്ധമാക്കി സിംഗപൂരും ഇന്തോനേഷ്യയും. ഇത്തരം നടപടികളിലൂടെ കോവിഡ്, ന്യുമോണിയ, ജലദോഷപ്പനി എന്നിവയെ ചെറുക്കാനാണ് ശ്രമം. സിംഗപ്പൂരില്‍ പടരുന്ന കോവിഡ് വേരിയന്റില്‍ 60ശതമാനവും ബി.എ 2.86 ആണ്. വര്‍ഷാവസാന ആഘോഷങ്ങള്‍ നടക്കുന്നതിനാലാണ് കോവിഡ് കേസുകള്‍ കൂടുന്നതെന്നാണ് കണക്കാക്കുന്നത്. പൗരന്മാര്‍ യാത്രകളില്‍ ഇടവേള എടുക്കണമെന്ന് ഇന്തോനേഷ്യന്‍ ആരോഗ്യമന്ത്രാലയം അറിയിച്ചിട്ടുണ്ട്. കൂടാതെ വാക്സിനേഷന്‍ പൂര്‍ത്തിയാക്കണമെന്നും മാസ്‌കും സാമൂഹിക അകലവും പാലിക്കണമെന്നും അറിയിച്ചിട്ടുണ്ട്. മലേഷ്യയിലും കോവിഡ് കേസുകള്‍ വര്‍ധിക്കുകയാണ്.
